Avstraliarar taka undir við samkyndum hjúnarlagi

15.11.2017 - 09:49
AktueltSamfelag
Avstraliarar taka undir við samkyndum hjúnarlagi
Avstralia endaði fyrr í vikuni mánaðardrúgva vegleiðandi bræv-atkvøðugreiðslu um hjúnarlag millum samkynd
Avstraliarar fegnast um úrslitið av fólkaatkvøðuni
Mynd: © AP-tíðindastovan  
 

Alsamt fleiri lond loyva nú samkyndum at giftast. 

Talið av londum er trífaldað síðani 2010, og hugsanin um samkynd er eisini í broyting kring allan heim, skrivar Kristeligt Dagblad.

Meirilutin av avstralsku veljarunum hava atkvøtt fyri at loyva samkyndum at ganga í hjúnarlag. Tað skrivar blaðið, The Australian.

61,6 prosent atkvøddu fyri, og 38,4 prosent atkvøddu í móti.

Uppskot á veg

Avstralski forsætisráðharrin, Malcolm Turnbull, sigur, at hann fer at senda lógaruppskot um hetta í parlamentið, nú meirluti er fyri tí.

Funnist hevur verið at Turnbull, tí hann ikki beinanvegin sendi uppskotið til atkvøðugreiðslu í parlamentinum, men heldur sendi tað til fólkaatkvøðu, og at fólkaatkvøðan hevur kostað avstralska skattgjaldaranum 122 miljónir avstralska dollarar, - tað svarar til áleið 590 miljónir krónur.

Avstralski forsætisráðharrin hevur lovað, at lógaruppskotið verður borið í parlamentið áðrenn jól.

Verður uppskotið samtykt, at samkynd kunnu giftast, verður Avstralia 19. landið, sum loyvir hesum hjúnarlagi.

 
Nýggjastu sendingar í ÚV
Sunnudag 20. oktober
Credo: Rennandi presturin
100037
Leygardag 19. oktober
Eru vit í ætt við indianarnar?
99313
Leygardag 19. oktober
Leygardagur 19. Oktober 2019
100065
Nýggjastu sendingar í SV
Hósdag 17. oktober
Flaggsigling 2019 1:2
100020
Mánadag 14. oktober
3-2
99875
Sunnudag 13. oktober
Andakt við Mourits Mouritsen
99826
Sunnudag 13. oktober
Guðstænasta úr Argja kirkju
99828
Hósdag 10. oktober
Suni Merkistein hittir Bob Geldof
99745