Nýtt stýri fyri Búnaðargrunnin

Nýtt stýri fyri Búnaðargrunnin
Rannvá Bjarkadóttir Magnussen er nýggj forkvinna í stýrinum fyri Búnaðargrunnin. Tað er greitt, nú stýrið er valt av nýggjum og hevur skipað seg.
Mynd: www.bg.fo  
 
15.02.2018 - 08:56

Lógin fyri Búnaðargrunnin ásetir, at landsstýrismaðurin í Fiskivinnu- og landbúnaðarmálum velur fýra stýrislimir, harav tveir teirra skulu veljast eftir tilmæli frá Bóndafelagnum og Óðalsfelagnum.

Síðani velir stýrið sjálvt fimta stýrislimin, sum skal vera løgfrøðingur ella búskaparfrøðingur. Eisini er ásett, at hesin fimti stýrislimurin skal ikki starvast í landsfyrisitingini ella á stovni undir landsstýrinum.

Landsstýrismaðurin valdi Rannvu Bjarkadóttir Magnussen og Unu Joensen í Stýrið fyri Búnaðargrunnin. Símun Gullaksen er valdur í stýrið eftir tilmæli frá Bóndafelagnum og Rani Slættanes eftir tilmæli frá Óðalsfelagnum.

Hesi fýra valdu í felag Niels Winther Poulsen sum fimta stýrislimin.

Á fundi í gjár skipaði Stýrið seg við Rannvá Bjarkadóttir Magnussen sum forkvinnu og Símun Gullaksen sum næstformanni.

Stýrið fyri Búnaðargrunnin er valt fyri trý ár. 


 

Er kopiera
Nýggjastu sendingar í ÚV
Týsdag 19. mars
Góðan morgun Føroyar
172414
Týsdag 19. mars
Morgunlesturin týsdagur 19. mars 2024
171995
Mánadag 18. mars
Norðurljóð 18.mars 2024
172377
Nýggjastu sendingar í SV
Mánadag 18. mars
3-2
172389
Mánadag 18. mars
3-2
172388
Sunnudag 17. mars
Andakt við Johan við Neyst
172320
Sunnudag 17. mars
Møti úr Kelduni
172321
Fríggjadag 15. mars
Veðrið
172276