Stjórnarfundur útsettur í Katalonia

Tað skrivar týska tíðindastovan, Dpa.

Orsøkin er, at spanski grundlógardómstólurin hevur víst aftur at lata loysingarmannin, Jordi Sanchez, leysan. Hann er í uppskoti at gerast forseti í Katalonia.

Sanchez er skuldsettur fyri at hava eggjað til uppreistur, og hann er varðhaldsfongslaður.

Grundlógardómstólurin heldur, at verður Sanchez latin leysur, er vandi fyri, at hann fer at fremja somu gerðir, sum høvdu við sær, at hann varð handtikin.

Jordi Sanchez varð tikin í oktober, tá politiska stríðið í Katalonia var í hæddini. Táverandi forsetin, Carles Puigdemont flýddi til Belgia, og har er hann enn.

Puigdemont hevur síðani boðað frá, at hann hevur slept ætlanini um at gerast forseti aftur í Katalonina.

Í gjár gingur fleiri túsund katalonar kravgongu í Barcelona við kravi um, at tey fólkavaldu skipa eina stjórn, sum skal arbeiða fyri loysing frá Spania.