Vil ikki gera viðmerkingar

14.03.2018 - 16:25
AktueltPolitikkur
Vil ikki gera viðmerkingar
- Eg vil ikki gera viðmerkingar til spurningarnar, tí teir eru kliptir burtur úr einum nógv størri samanhangi, skrivar Bjarni Hammer
 

- Eg vil ikki gera viðmerkingar til spurningarnar, tí teir eru kliptir burtur úr einum nógv størri samanhangi.

Tað sigur Bjarni Hammer, tingmaður, sum er í farloyvi, eftir at Sosialurin hevur sett tingmannin í samband við hassj.

Eirikur Lindenskov, blaðstjóri á Sosialinum sigur, at blaðið hevur upptøkur, har Bjarni Hammer sjálvur sigur seg kunna og vilja skaffa hassj frá einum navngivnum manni til ungar kvinnur. 

Men blaðstjórin vil ikki siga, hvønn leiklut Miðlahúsið hevði, tá telefonsamrøðurnar vórðu gjørdar - ella í hvørjum sambandi Bjarni Hammer skal hava sagt seg kunna skaffa hassj.

Vil ikki gera viðmerkingar

Kringvarpið hevur mangar ferðir, síðani søgan kom fram, roynt at fingið Bjarna Hammer at gera samrøðu um hesar spurningarnar. Eisini nú seinnapartin men tingmaðurin svarar í stuttum tekstboðum soleiðis:

"Eg vil ikki gera viðmerkingar til spurningarnarnar, tí teir eru kliptir burtur úr einum nógv størri samanhangi. Eg komi við mínum egnu viðmerkingum til alt málið, og tá komi eg eisini inn á hasi viðurskiftini".

Sosialurin valdi at melda málið til løgregluna, sum kannaði tað, men mánadagin boðaði Statsadvokaturin frá, at kanningarnar vórðu steðgaðar. 

Statsadvokaturin skrivar soleiðis til Bjarna Hammer: "Begrundelsen for min afgørelse er, at der ikke er nogen rimelig formodning om, at De har begået et strafbart forhold".

Eirikur Lindenskov, blaðstjóri sigur í dag, at málið snýr seg um álit á tingmannin og løgreglumannin, Bjarna Hammer.

Hoyr brot úr samrøðu við Eirikur Lindenskov her

Longri samrøða við blaðstjóran verður at hoyra í Radarinum í dag klokkan 17.05.

 
Nýggjastu sendingar í ÚV
Hósdag 23. januar
Breddin
103802
Hósdag 23. januar
Nón 23. januar 2020
103798
Hósdag 23. januar
Tríggir popparar hittast (3:3)
103794
Hósdag 23. januar
Kjakaríið: Katrin, Allan og Elsa
103795
Nýggjastu sendingar í SV
Hósdag 23. januar
Ikki illa meint
103763
Mikudag 22. januar
25 minuttir: Tim Birkhead
103726
Mánadag 20. januar
3-2
103616
Sunnudag 19. januar
Møti úr Nerija á Skála
103557