Ítróttur skal fyribyrja sjálvmorð

28.03.2018 - 11:14
AktueltHeilsa
Ítróttur skal fyribyrja sjálvmorð
Fólkaheilsuráðið og Frælsur Ítróttur Føroya skipa týskvøldið 3. apríl kl. 19.30 fyri einum fyrilestri um ítrótt sum amboð at fyribyrgja sjálvmorð
Svenski Mattias Sunneborn var einans 15 ár, tá pápi hansara gjørdi sjálvmorð
 
 

Tað stendur í tíðindaskrivi frá Fólkaheilsuráðnum og Frølsum Ítrótti Føroya, skrivar in.fo. 

Navnframi svenski ítróttar-úrmælingurin, Mattias Sunneborn, fer at halda fyrilestur um ítrótt sum amboð at fyribyrgja sjálvmorði, og um hvussu ítrótturin hjálpti honum víðari í lívinum. Tá Mattias var 15 ára gamal, tók pápi hansara lívið av sær. Hetta setti djúp sár í sinnið á unga Mattiasi, sum ikki vildi viðurkenna, at pápin hevði gjørt hesa ræðuligu gerð.

Í nógv ár segði hann pápan vera deyðan av øðrum orsøkum. Hann tosaði ikki við nakran um hetta, men græt seg í svøvn manga náttina eftir hetta.

Í dag kennir Mattias týdningin av at tosa um og arbeiða seg ígjøgnum sorgina. Hann er í dag umboðsmaður hjá svenska felagsskapinum Suicide Zero, sum arbeiðir fyri at avmarka sjálvmorð og sjálvmorðsroyndum mest møguligt og fyri at hjálpa øðrum víðari.

Í Svøríki taka um 1.600 fólk árliga lívið av sær, og Suicide Zero arbeiðir á fleiri mótum, sum vit í Føroyum eisini kunnu læra nógv av. Til dømis verður dentur lagdur á, at starvsfólk á skúlum, í eldrarøktini og løgreglu leggja seg eftir at lesa tey tekin, sum sjálvmorðshótt senda. Og at hert eftirlit er við fólki, sum hava verið fyri ógvusligum hendingum.

Í Føroyum vóru frá 2010 til 2015 tilsamans 16 sjálvmorð. So eisini her heima er tað av størsta týdningi at varpa ljós á hetta tabu-kenda evnið, stendur í tíðindaskrivinum. 

Fyrilesturin, sum verður í salinum hjá Starvsmannafelagnum í J. H. Schrøtersgøtu, er ókeypis og byrjar kl. 19.30 tann 3. apríl.

Sí eisini

12.07.18
83264
19.06.18
82068
Nýggjastu sendingar í ÚV
Fríggjadag 20. juli
Summartímin hósdagin 19. juli
83505
Fríggjadag 20. juli
Útsýni (3:5)
83494
Fríggjadag 20. juli
Morgunlestur fríggjadagin 20. juli 2018
82860
Nýggjastu sendingar í SV
Leygardag 14. juli
Video: Vestanstevna 2018, 10mf
83337
Leygardag 14. juli
Video: Vestanstevna 2018, 5mf kvinnur
83336
Leygardag 14. juli
Video: Vestanstevna 2018, 8mf
83335
Leygardag 14. juli
Video: Vestanstevna 2018, 6mf menn
83334
Leygardag 14. juli
Video: Vestanstevna 2018, 5mf dreingir
83333