Smugla norskan laks til Kina

15.04.2018 - 11:57
Aktuelt
Smugla norskan laks til Kina
Tollmyndugleikarnir í Kina tóku herfyri 17 fólk og skuldsettu tey fyri at hava smuglað norskan laks til Kina umvegis Vietnam.
 
 

Seinastu árini hava dømi verið um, at norskur laksur er smuglaður til Kina, eftir at Kina legði 22 prosent í avgjaldi á norska laksin, skrivar bretska blaðið, Financial Times.

Innflutningurin av fiski og skeljafiski til Vietnam er fleirfaldaður seinastu árini, og landið er nú fimtstørsti innflytari av teimum vørunum.

Og hildið verður, at nógv av fiskinum fer víðari til Kina.

Ein av teimum tiknu í Kina, er norski ríkisborgarin, Dong Yimin, sum í fleiri ár hevur staðið á odda fyri norska útflutninginum av laksi til Kina og onnur lond í Asia.

Hon hevur tætt samstarv við alifelagið, SalMar, og nevndarformaðurin í norska felagnum, Atle Eide, sigur seg ikki trúgva, at tað er hon sum hevur staðið fyri at flyta norska laksin ólógliga til Kina.

Hon hevur noktað fyri ólógliga virkseminum, og nevndarformaðurin í SalMar sigur seg trúgva henni, til annað er prógvað.

Stjórin í SalMar, Trond Williksen, legði frá sær í vikuni, men tað hevur einki við tað, sum hendir í Kina at gera, sigur nevndarformaðurin við bretska blaðið.

Sambært kinesisku myndugleikunum hevur Dong Yimin smuglað norskan laks til Kina, ið hevur eitt virði upp á meir enn 100 milliónir dollarar.

Kina legði avgjald á norskan laks, eftir at kinesiski samfelagsrevsarin, Liu Xiaobo, fekk friðarheiðsursløn Nobels í 2010.

Nýggjastu sendingar í ÚV
Sunnudag 23. september
Meg minnist: Jákup Mikal Mikkelsen (2:2)
85431
Sunnudag 23. september
Guðstænasta í Haldórsvíkar kirkju
85660
Sunnudag 23. september
Einsamallur úti á opnum havi
85609
Leygardag 22. september
Morgunlestur leygardagur 22. september 2018
85416
Fríggjadag 21. september
Pressan: Politiskur journalistikkur
85610
Nýggjastu sendingar í SV
Sunnudag 23. september
Andaktin
85659
Týsdag 18. september
25 minuttir: Todi Jónsson
85504
Mánadag 17. september
3-2
85464
Sunnudag 16. september
Guðstænasta úr Vesturkirkjuni
85398
Leygardag 15. september
Andaktin
85382