ST vil ikki fordøma álopið á Sýria

15.04.2018 - 09:55
Aktuelt
ST vil ikki fordøma álopið á Sýria
Tað eydnaðist ikki Ruslandi at fáa trygdaarráðið hjá ST at fordøma álopið á Sýria í gjáramorgunin, sum USA, Bretland og Frakland stóðu fyri.
 
 

Russland vildi hava trygdarráðið saman, men tá samanumkom atkvøddu bert Russland, Kina og Bolivia fyri at fordøma álopið.

Átta lond atkvøddu ímóti uppskotinum, sum Russland hevði gjørt, og fýra lond atkvøddu ikki.

Neyðugt er við níggju atkvøðum fyri, um eitt uppskot skal vera samtykt í trygdarráðnum hjá ST.

Amerikanska verjumálaráðið upplýsti í gjár, at allar rakettirnar, sum vórðu sendar ímóti Sýria, raktu síni mál, og endamálið við teimum var at oyðileggja verksmiðjur, har eiturevni verða gjørd.

USA, Frakland og Bretland nýttu skip, ein kavbát og stríðsflogfør til at senda tær 105 rakettirnar, ið skuldu gera enda á eiturverksmiðjunum í Sýria, og atsóknin eydnaðist til fulnar, sigur amerikanska verjumálaráðið.

Samstundis sum trygdarráðið umrøddi álopið í Sýria í gjár, vóru fólk frá stovninum sum hevur eftirlit við eiturvápnum á veg til Douma í Sýria, har tey skulu royna at fáa greiðu á, hvat tað var fyri eiturvápn, sum vórðu nýtt í sýriska býnum, Douma, farna vikuskifti, og sum gjørdi av við minst 40 fólk.

Nýggjastu sendingar í ÚV
Hósdag 13. desember
Morgunlestur hósdagur 13. desember 2018
88453
Mikudag 12. desember
Valstríð og grundgevingar
88868
Mikudag 12. desember
Jóngerð Midjord er gestur í Dansivali
88855
Mikudag 12. desember
Mono 12 des 2018
88849
Mikudag 12. desember
Leygardagur 08.12.18
88848
Nýggjastu sendingar í SV
Hósdag 13. desember
Kari-Anne í Røst (6:6)
87893
Sunnudag 9. desember
Andaktin
88722
Sunnudag 9. desember
Møti úr Betesda í Klaksvík
88713
Leygardag 8. desember
Hvat bagir? (6:8)
87235
Fríggjadag 7. desember
Lyst 24
88747