Flogskiparar vrakaðu uppskot, semingin er slitnað

17.04.2018 - 06:59
AktueltSamfelag
Flogskiparar vrakaðu uppskot, semingin er slitnað
Freistin at boða frá arbeiðssteðgi er 14 dagar frá á midnátt í kvøld
Flúgvingin er í vanda fyri at steðga fyrst í næsta mánað.
 
 

Vandi er fyri, at flúgvingin hjá Atlantic Airways steðgar um tvær vikur.

Flogskipararnir vrakaðu í gjárkvøldið semingsuppskotið, sum varð lagt fyri partarnar mánanáttina. Arbeiðsgevarafelagið góðtók uppskotið.

Sambært Vinnuhúsinum er Semingsstovnurin nú givin at royna at finna semja um nýggjan sáttmála.

Feløgini hava 14 daga freist at boða frá arbeiðsteðgi. Sambært Vinnuhúsinum kann ein møguligur arbeiðssteðgur byrja mikudagin 2. mai.

Semingsstovnurin varð boðsendur týsdagin í síðstu viku.

Semingsroynd byrjaði fríggjadagin 

Fríggjadagin varð farið undir semingsroynd.

Hon vardi til leygarmorgun klokkan fimm. Partarnir hittust aftur sunnudagin klokkan tvey.

Eitt semingsuppskot varð lagt fyri partarnar mánanáttina. Teir skuldu svara í gjárkvøldið klokkan tíggju, tá Flogskiparafelagið vrakaði uppskotið.

Sáttmálin millum Flogskiparafelagið og Føroya Arbeiðsgevarafelag fór úr gildi á midnátt fríggjakvøldið. Partarnir hava í fyrsta umfari longt sáttmálan til á midnátt í kvøld.

Nýggjastu sendingar í ÚV
Fríggjadag 22. mars
Morgunlestur fríggjadagur 22. mars 2019
91110
Fríggjadag 22. mars
Tema: Minnissending um Tom Petty 1950-2017
92575
Hósdag 21. mars
Nón - hósdagur 21.03.19
92559
Hósdag 21. mars
Góðan morgun Føroyar 21. mars 2019
92535
Hósdag 21. mars
Leitisstein 15.03.2019 (Lena 2)
92530
Nýggjastu sendingar í SV
Mikudag 27. mars
25 minuttir: Linda Mortansdóttir
92545
Hósdag 21. mars
Ítróttarportrett: Hallur Hansson
92551
Mikudag 20. mars
Minnist tú enn? (3:13)
16392