Pensjónistar í Grønlandi varðveita grundupphæddina

14.05.2018 - 09:39
Aktuelt
Pensjónistar í Grønlandi varðveita grundupphæddina
Nýggja landsstýrið í Grønlandi vil, at allir pensjónistar skulu varðveita grundupphæddina í pensjónini, sama um pensjónisturin hevur inntøku ella ei
Mynd: © Leif Josefsen // Sermitsiaq  
 
 

Nýggja landsstýrið í Grønlandi ætlar, at allir pensjónistar skulu varðveita grundarupphæddina í pensjónini, sama um pensjónisturin hevur inntøku ella ikki, skrivar Sermitsiaq.

Grundarupphæddin er 61.201 krónur um árið, og 4.172 pensjónistar skulu fáa hana.

Í samgonguskjalinum hjá nýggju landsstýrissamgonguni stendur, at í 2019 skal bera til at hava arbeiðsinntøku, uttan at hon rakar grundarupphæddina í pensjónini.

Siumut hevði grundarupphæddina í valskránni upp undir landstingsvalið, og flokkurin metti, at skipanin fer at kosta 23,6 milliónir krónur um árið.

Tey, sum finnast at ætlanini hjá landsstýrinum, siga, at pensjónistarnir fara at gjalda fullu grundarupphæddina sjálvir, tí teir verða longur á arbeiðsmarknaðinum.

Pensjónsaldurin í Grønlandi er 66 ár.

Demokratarnir, sum eru í andstøðu, vilja hava neyvari útrokningar, áðrenn teir taka støðu til ætlanina hjá landsstýrinum. 

Nýggjastu sendingar í ÚV
Nýggjastu sendingar í SV
Mikudag 27. mars
25 minuttir: Linda Mortansdóttir
92545
Mánadag 25. mars
Hondboltur hálvfinala: H71 - VÍF
92677
Sunnudag 24. mars
Andaktin
92675