Neyðugt við toppfundi millum USA og Norðurkorea

16.05.2018 - 14:22
AktueltÚtheimurin
Neyðugt við toppfundi millum USA og Norðurkorea
Tað sigur kinesiska stjórnin, eftir at Norðurkorea hevur hótt við at avlýsa fundin millum Kim Jong-un og Donald Trump í Singapore 12. juni.
 
 

Skal friður fáast í lag á koreansku hálvoynni og støðufesti tryggjast í økinum, er neyðugt at hava søguliga toppfundin millum USA og Norðurkorea.

Tað sigur kinesiska stjórnin, eftir at Norðurkorea hevur hótt við at avlýsa fundin millum Kim Jong-un og Donald Trump í Singapore 12. juni.

Felags hernaðarvenjingin millum USA og Suðurkorea í hesum døgum hevur fingið ilt í Norðurkorea.

Norðurkorea hevur heldur ongan áhuga at hitta USA, um treytin er, at bara Norðurkorea skal sleppa síni kjarnorkuætlan.

Men Lu Kang, sum er talsmaður fyri kinesiska uttanríkisráðið, heitir á norðurkoreanarar um at fara á toppfundin, skrivar tíðindastovan, AP.

Kina er tættasti sameindi hjá Norðurkorea, og norðurkoreanski leiðarin, Kim Jong-un, hevur seinastu tíðina tvær ferðir verið í Kina og havt fund við kinesiska forsetan, Xi Jingping.

Amerikanska stjórnin sigur, at hon hevur einki frætt úr Norðurkorea, og tí verður hildið fram at fyrireika toppfundin.

Ætlanin var, at umboð fyri Norður- og Suðurkorea skuldu hittast í dag, men fundurin er avlýstur, tí Norðurkorea er misnøgt við hernaðarvenjingina.

Ein talsmaður fyri suðurkoreanska verjumálaráðið leggur dent á, at felags hernaðarvenjingin millum Suðurkorea og USA heldur fram, hóast Norðurkorea hevur mótmælt. 

Nýggjastu sendingar í ÚV
Mánadag 17. desember
Morgunlestur mánadagur 17. desember 2018
88937
Sunnudag 16. desember
Meg minnist: Eyðun Joensen (4:4)
88463
Sunnudag 16. desember
Bolero 16 desembur 2018
88995
Sunnudag 16. desember
Credo : Vel tað góða
88936
Nýggjastu sendingar í SV
Sunnudag 16. desember
Guðstænasta úr Viðareiðis kirkju
89003
Sunnudag 16. desember
Andaktin
88998
Leygardag 15. desember
Hvat bagir? (7:8)
87239
Hósdag 13. desember
Ein dagur í sjúkrarøktini
88903
Hósdag 13. desember
Kari-Anne í Røst (6:6)
87893