Fleyg ofta við ov nógvum viðføri

22.05.2018 - 10:58
AktueltÚtheimurin
Fleyg ofta við ov nógvum viðføri
39 ára gamla flogfarið, sum datt niður í Havanna í Kuba fríggjadagin, fekk fyri einum ári síðani forboð at flúgva í loftrúminum yvir Guyana
 

Orsøkin var, at manningin á flogfarinum breyt trygdarreglurnar, tí hon loyvdi ov nógvum viðføri í flogfarið, tá tað fleyg til Kuba.

Tað upplýsa loftferðslumyndugleikarnir í Guyana.

Flogfarið, sum var av slagnum Boeing 737, var um hetta mundið leigað til flogfelagið Easy Sky, og eitt skifti fleyg tað fýra ferðir um vikuna millum Georgetown í Guyana og Havanna.

Kubanum nýttist ikki at hava innferðarloyvi til Guyana, og tí var henda flogleiðin væl umtókt millum kubanar, sum fyltu kuffertini við alskyns lutum at hava heimaftur við til Kuba.

Men myndugleikarnir í Guyana varnaðust, at manningin á flogfarinum legði líka lag í, at alt ov nógv viðføri var í flogfarinum. Ein kanning vísti m.a., at vesini í flogfarinum vórðu eisini nýtt sum viðførisrúm.

110 fólk doyðu, tá kubanska flogfarið datt niður fríggjadagin, stutt eftir at tað var farið á flog úr eini floghavn nærindis Havanna.

Enn er ógreitt, hví flogfarið datt niður.

Hetta er ringasta flogvanlukka í Kuba seinastu 30 árini. 

 

Sí eisini

Nýggjastu sendingar í ÚV
Hósdag 20. februar
Góðan morgun Føroyar 20. februar
105074
Hósdag 20. februar
Oddvør Johannesen er gestur í Dansivali
105071
Hósdag 20. februar
Dagsins yrking - Lyklar
104572
Nýggjastu sendingar í SV
Mánadag 17. februar
3-2
104948
Sunnudag 16. februar
Guðstænasta úr Árnafjarðar kirkju
104893
Sunnudag 16. februar
Ferðavinna og landbúnaður
104894
Sunnudag 16. februar
Andakt við Hjørdis Háberg
104891
Leygardag 15. februar
Hondbóltur: H71 - Kyndil
104880