- Tíðindi, mentan og ítróttur
Giuseppe Conte nýggjur forsætisráðharri í Italia
Giuseppe Conte nýggjur forsætisráðharri í Italia
Nýggi forsætisráðharrin í Italia, Giuseppe Conte, sigur, at Italia fer at halda sínar skyldur, bæði í Evropa og mótvegis altjóða samfelagnum.
24.05.2018 - 09:33
Conte roynir við hesum at sissa atfinningarsomu røddirnar í ES, sum stúra fyri, at triðstørsta evrulandið fær eina stjórn, sum ikki av heilum huga tekur undir við ES.
Giuseppe Conte fer at starnda á odda fyri stjórnini, sum mótmælisflokkurin, Fimmstjørnurørslan, og høgrasinnaði flokkurin, Lega, eru samdir um at skipa.
Conte er professari í løgfrøði, og hann hevur ongar politiskar royndir.
Av tí at Fimmstjørnurørslan og Lega ikki kundu semjast um, hvør av leiðarunum í hesum báðum flokkum skuldi verða forsætisráðharri, verður hildið, at Giuseppe Conte er ein neyðsemjuloysn.
Tá Conte var á forsetaborgini og fekk litið upp í hendur at skipa stjórn, segði hann, at hann ætlar at vera verjuadvokatur hjá italska fólkinum.
Nýggjastu sendingar í ÚV
Nýggjastu sendingar í SV