Vilja hækka aldursmarkið fyri keyp av rúsdrekka

10.06.2018 - 16:31
AktueltSamfelag
Vilja hækka aldursmarkið fyri keyp av rúsdrekka
Nýggj kanning, sum áhugafelagskapurin "Alkohol & Samfund" hevur kunngjørt, vísir, at helmingurin av danum vilja hækka aldursmarkið
 

Danir vilja hækka aldursmarkið fyri keyp av rúsdrekka. Tað staðfestir nýggj kanning, sum áhugafelagskapurin "Alkohol & Samfund" hevur kunngjørt. 

53 % av teimum spurdu ynskja, at aldursmarkið fyri keyp av rúsdrekka verður hækkað til 18 ár. 

Í løtuni er aldursmarkið 16 ár, tá tað snýr seg um rúsdrekka við minni enn 16,5 %. Sostatt kunnu 16 ára gomul í Danmark keypa millum annað vanligar øl og vín. 

Aldursmarkið fyri at keypa rúsdrekka við hægri alkoholinnihaldi er, eins og í Føroyum, 18 ár.  

Men hesa tvíbýting vil helmingurin av teimum spurdu broyta, soleiðis at tað er 18 ára aldursmark á keypi av øllum rúsdrekka. 

Meðan 53 % eru fyri at hækka aldursmarkið á rúsdrekka við alkoholi, halda 32 %, at aldursmarkið skal vera, sum tað er í dag. 8 % halda harafturímóti, at aldursmarkið á brennivíni skal lækkast til 16 ár.

Frammanundan hava bæði fyribyrgingarnevndir í kommunum og regiónum samt serfrøðingar í Danmark fleiri ferðir heitt á Fólkatingið um at hækka aldursmarkið frá 16 til 18 ár.

Sambært alheims heilsustovninum hjá ST, WHO, er Danmark tað landið, hvørs innbúgvar hava lættast við at keypa rúsdrekka. Statens Serum Institut hevur eisini gjørt kanningar, ið vísa, at 46 % av donsku miðnámsskúlanæmingum drekka alkohol so at siga hvørt vikuskifti. 

Men hetta tykist ikki broyta hugburðin á Christiansborg, har flestu fólkatingslimir eru ímóti at hækka aldursmarkið.

Danski heilsumálaráðharrin, Ellen Thrane Nørby, sigur, at hóast hesi viðurskifti, so er hendingagongdin tann, at ung í Danmark drekka minni og minni. 

Danski Fólkaflókkurin tekur undir við heilsumálaráðharrarnum.

- Tað er harmiligt, at vit ikki hava álit á tey ungu longur, og at vit taka alla ábyrgd frá teimum, sigur Jeppe Jakobsen úr Danska Fólkaflokkinum. 

Tað er Epinion, sum hevur gjørt kanningina fyri áhugafelagsskapin. 1.500 danskir borgarar svaraðu. 

 
Nýggjastu sendingar í ÚV
Leygardag 8. august
Føroyingar álopnir úr luftini (6:6)
111911
Leygardag 8. august
Hetta heilaga Evangeliið 16. august 2020
112092
Fríggjadag 7. august
Summartímin hósdag 6. august
112060
Nýggjastu sendingar í SV
Mikudag 5. august
Tíðindafundur og Dagur og vika
111992
Hósdag 30. juli
Midnáttarsangur
111814
Mikudag 29. juli
Upp á gólv
111810
Mikudag 29. juli
Á ólavsøku 2:2
111809
Mikudag 29. juli
Tingið verður sett
111807