- Tíðindi, mentan og ítróttur
Kemisk vápn brúkt í Sýria
Kemisk vápn brúkt í Sýria
Nervaeiturið sarin og klorin vórðu brúkt í álopum í Sýria í fjør, tað staðfestir kanning hjá OPCW
14.06.2018 - 08:42
Tað boðaði altjóða stovnurin móti kemiskum vápnum, OPCW, frá í frágreiðing í gjár. OPCW sigur einki um, hvør hevur ábyrgdina av álopunum, og Sýria noktar at hava brúkt kemisk vápn.
Hetta er seinasta í eini røð av frágreiðingum frá eftirlitsstovninum, sum váttar, at kemisk vápn hava verið brúkt í borgarakrígnum í Sýria.
OPCW kannar eisini eitt álop 17. apríl í ár, har illgruni er um, at kemisk vápn vórðu brúkt. Tað var álopið í Douma nær Damaskus, sum fekk USA, Frakland og Bretland at svara aftur við rakettálopum.
Úrslit av tí kanningini verður væntandi kunngjørt seinni í hesum mánaðinum.
Nýggjastu sendingar í ÚV
Nýggjastu sendingar í SV