Angela Merkel er viknað

19.06.2018 - 09:26
AktueltÚtheimurin
Angela Merkel er viknað
Angela Merkel er nógv viknað, nú flokkur hennara CDU noyddist at gera neyðsemju við hin stjórnarflokkin CSU um landsins flóttafólkapolitikk
 
 

Týski samveldiskanslarin, Angela Merkel er nógv viknað, nú flokkur hennara CDU í gjár noyddist at gera neyðsemju við hin stjórnarflokkin CSU um landsins flóttafólkapolitikk.

Tað heldur Michael Reiter, sum er korrespondentur í Týsklandi fyri Danmarks Radio.

- Valdsmissurin er sera stórur, tí Angela Merkel letur landsins asylpolitikk upp í hendurnar á CSU, og hon er hoykna í sínum týdningarmestu politisku spurningum, sigur hann.

Neyðsemjan millum CDU og CSU útsetir stríðið, sum hevur verið um friðskjólarætlanina, sum Horst Seehofer frá CSU hevur lagt fram, í tvær vikur.

Angela Merkel fær altso tvær vikur at finna felags ES-loysn á flóttapolitikkinum, og gongur tað ikki, so hevur samveldiskanslarin játtað at boyggja seg fyri politikkinum hjá CSU: at asylsøkjarar, sum longu eru skrásettir í einum øðrum ES-landi, skulu vísast burtur við týska landamarkið.

- Merkel er kend fyri sítt prinsipp um, at landamørkini í ES mest møguligt skulu vera verðandi opin. Nú stendur hon í tí støðuni, at finnur hon ikki eina loysn heilt skjótt, ja, so má hon stongja landamarkið, tí Innanríkisráðið sigur tað, sigur Michael Reiter.

Samstarv hevur verið millum CDU og CSU í 70 ár, men stríðið um asylætlanina setir samstarvið og sjálvt stjórnarsamstarvið í Týsklandi í váða, har SPD eisini er partur.

Nýggjastu sendingar í ÚV
Mikudag 26. september
Morgunlestur mikudagur 26. september 2018
85419
Týsdag 25. september
Tematýsdagur um tað góða arbeiði
85762
Týsdag 25. september
Áðrenn Elvis 25 septembur 2018
85752
Týsdag 25. september
HB vann FM í Klaksvík
85729
Týsdag 25. september
Sunnudagstónar 23. september 2018
85728
Nýggjastu sendingar í SV
Mánadag 24. september
3-2
85719
Sunnudag 23. september
Andaktin
85659
Týsdag 18. september
25 minuttir: Todi Jónsson
85504
Mánadag 17. september
3-2
85464
Sunnudag 16. september
Guðstænasta úr Vesturkirkjuni
85398