Eingin stjórnarskipan í hesari tingsetuni

26.06.2018 - 10:45
AktueltPolitikkur
Eingin stjórnarskipan í hesari tingsetuni
Løgtingsformaðurin hevur einki frætt um álit frá grein 25 nevndini, sum viðger stjórnarskipanina. Uppskotið dettur burtur á ólavsøku
Álitið um stjórnarskipan kemur ikki í hesum umfarinum.
 

Løgtingsformaðurin væntar ikki at skulu kalla tingið saman fyri ólavsøku at viðgera álitið hjá grein 25 nevndini, sum bleiv sett at viðgera uppskotið um stjórnarskipan.

Páll á Reynatúgvu sigur, at hann hevur einki frætt, sum fær hann at leggja soleiðis til rættis, at tingfólk fáa fundarboð aftur í hesari tingsetuni.

Ólavsøkudag, tá nýggj tingseta byrjar, detta uppskotið um stjórnarskipan og grein 25 nevndin burtur.

Aksel V. Johannesen, løgmaður, legði uppskotið fyri løgtingið tann 29.september í fjør.

Uppskotið fekk ringa byrjan. Umsitingin mælti frá at viðgera málið í tinginum, tí tað var brot á tingskipanina.

Ikki búgvið

Lógargreinarnar í uppskotinum høvdu ikki viðmerkingar, og tí var tað ikki búgvið hjá løgtinginum at taka støðu til.

Atkvøtt varð um hetta, og 16 tingfólk atkvøddu fyri at burturvísa uppskotinum, 17 vóru í móti burturvísing.

Fyrsta viðgerð var so 24.oktober.

Atkvøtt varð eisini um at koyra uppskotið í eina grein 25 nevnd. 

Tann atkvøðugreiðslan var 26.oktober. 16 atkvøddu fyri og 14 ímóti.

Nevndin varð so vald tann 8.november. Í henni hava fýra teir stóru flokkarnir tvey tingfólk hvør, teir smáu eitt tingfólk og uttanflokkatingkvinnan Sonja Jógvansdóttir er eisini í nevndini. 12 fólk eru í nevndini. 

Nevndin hevur havt 14 fundir frá 14.november til 15.mai sambært heimasíðuni hjá løgtinginum. 

Fólkaatkvøðan

Løgmaður ætlaði at hava fólkaatkvøðu um stjórnarskipanina flaggdagin í ár. Men tann ætlanin varð av ongum.

Í minsta lagi seks mánaðir skulu ganga frá tí, at løgtingið samtykkir stjórnarskipanina, til hon fer til fólkaatkvøðu.

Grein 25 nevndin hevur ikki skrivað álit um uppskotið. Sjey av teimum 12 nevndarlimunum skulu skriva undir eitt álit. 

Og tað hendir ikki, sigur næstformaðurin í nevndini, Bill Justinussen í Miðflokkinum.

Formaðurin í nevndini, Heðin Mortensen í Javnaðarflokkinum, er ikki at hitta.

 

 
Nýggjastu sendingar í ÚV
Leygardag 20. apríl
Morgunlestur leygardagur 20. apríl 2019
93392
Fríggjadag 19. apríl
Rómi og ross løgdu støðið (2:2)
93585
Fríggjadag 19. apríl
Guðstænasta úr Vesturkirkjuni
93674
Hósdag 18. apríl
Rómi og ross løgdu støðið (1:2)
93584
Nýggjastu sendingar í SV
Mikudag 24. apríl
25 minuttir: Andrias Høgenni
93252
Fríggjadag 19. apríl
Flogbóltur: Mjølnir - Fleyr, mansfinala
93685
Fríggjadag 19. apríl
Andakt við Bergtóri Hjelm Bjarkhamar
93684
Fríggjadag 19. apríl
Hondbóltur: H71 - Neistin, 3 finalan
93682
Fríggjadag 19. apríl
Guðstænasta úr Vestmanna kirkju
93686