Rokkarabólkur bannaður í Týsklandi

10.07.2018 - 11:23
AktueltÚtheimurin
Rokkarabólkur bannaður í Týsklandi
Horst Seehofer hevur bannað rokkara-kenda bólkinum "Osmanen Germania BC", sum verður lýstur sum ein nationalistiskur bólkur við turkiskum røtum
 
 

Týski innanríkisráðharrin, Horst Seehofer, hevur sett bann fyri rokkara-kenda bólkinum "Osmanen Germania BC", sum verður lýstur sum ein nationalistiskur bólkur við turkiskum røtum.

- Bólkurin er ein vandi fyri rættarsamfelagi, sigur týski innanríkisráðharrin sambært týsku tíðindastovuni DPA.

Sambært týsku løgregluni hevur bólkurin í minsta lagi 300 limir. Í marts vórðu átta menn, sum sigst vera limir í bólkinum, ákærdir fyri millum annað drápsroynd, skøkjulevnað og ólógligan menniskjahandil.

Bólkurin skrivar á Facebook-vanga sín, at tað ikki er rætt, at lýsa bólkin sum ein rokkara-bólk, og at teir skuldsettu menninir ikki eru limir í bólkinum longur.

Bannið, sum nú er sett í verk, hevur við sær, at alt virksemi hjá bólkinum er forbjóðað. Sambært DPA ávirkar hetta eisini tær mongu undirbólkarnir, sum spretta úr bólkinum. 

"Osmanen Germania" hevur sambært týsku myndugleikunum samband við turkiska stjórnarflokkin AKP og turkiska forsetan Recep Erdogan. 

Nýggjastu sendingar í ÚV
Nýggjastu sendingar í SV
Mikudag 20. mars
25 minuttir: Jóna Joensen
92340
Mánadag 18. mars
3-2
92439
Sunnudag 17. mars
Guðstænasta í Havnar kirkju
92392
Sunnudag 17. mars
Andakt við Óla Poulsen
92389
Leygardag 16. mars
Estetiskur fimleikur, 2 partur
92376