Video: Fótbóltsdreingir bjargaðir

11.07.2018 - 14:30
AktueltÚtheimurin
Video: Fótbóltsdreingir bjargaðir
Teilendska serdeildin Navy Seals, sum stóð fyri bjargingini av fótbóltsdreingjunum, hevur kunngjørt video og myndir av stóru bjargingini á Facebook
 

Teir 12 fótbóltsdreingirnir og venjari teirra sótu avbyrgdir í einum helli í Teilandi í 18 samdøgur, áðrenn tað loksins eydnaðist at bjarga teimum úr aftur hellinum. 

Teilendska fótbóltsliðið var á útferð og leitaði sær skjól í einum helli tann 23. juni, tá tað fór at regna av grimd. Vatnið fleyt inn í hellið, og dreingirnir sótu fastir. 

Um fýra tíðina gjáranáttina, okkara tíð, varð farið at bjarga teimum seinastu fýra dreinginum og venjaran úr hellinum, og tíðliga seinnapartin í gjár vórðu allir fingnir út.

Heimurin hevur fylgt við støðuni hjá fótbóltsdreingjunum, tí bjargingin, sum bæði kravdi royndir og fyrireikingar, var sera vandamikil. So mikið vandamikil at ein royndur kavari lat lív á veg út úr hellinum, tá hann sat fastur og ikki fekk luft.

Dreingirnir skuldu ígjøgnum myrkar smogur - fleiristaðni undir vatni - fyri at sleppa útaftur. Royndir kavarar brúktu yvir fimm tímar um at koma inn i hellið. Bjargingin gjørdist sera torfør, tí dreingirnir vóru ikki vanir við kavaraútgerð, og nakrir teirra duga heldur ikki at svimja.

Men tað eydnaðist hóast alt, og seinnapartin í gjár vórðu allir dreingirnir bjargaðir. 

Videobrot og myndir frá bjargingarroyndunum vísa, hvussu dreingirnir vóru spentir fastir í børur, sum kavarar síðani fluttu út úr hellinum. 

Sí videobrot og myndir her: 

 
Nýggjastu sendingar í ÚV
Leygardag 21. september
Morgunlesturin leygarmorgunin 21. september 2019
98628
Fríggjadag 20. september
Óhoyrt: Alt frá Føroyum til Avstralia
98988
Fríggjadag 20. september
TEMPO úr dvala
98968
Fríggjadag 20. september
Pressan: Jenis av Rana og Kringvarpið
98960
Fríggjadag 20. september
Morgunlesturin fríggjamorgunin 20. september 2019
98627
Nýggjastu sendingar í SV
Leygardag 21. september
Kvinnur: HB - EBS/Skala
99004
Leygardag 21. september
Dreingir U17: Vikingur - HB
99003
Leygardag 21. september
Gentur U15: B36 - KÍ, Eilif Arge steypið
99000
Leygardag 21. september
U21 steypafinala: HB-Skála
98994
Fríggjadag 20. september
U18 Gentur: B36-ÍF/Víkingur/B68
98993