Nýggj kunngerð um ferðafólkaskip ávegis

12.07.2018 - 14:35
AktueltSamfelag
Nýggj kunngerð um ferðafólkaskip ávegis
Ferðafólkaskip fáa m.a. forboð fyri at sjóseta smærri bátar við ferðafólkum, uttan at hesir fara í ISPS góðkenda havn, sum havnarmyndugleikar ávísa
 
 

Ferðafólkaskip fáa í heyst forboð fyri at sjóseta smærri bátar við ferðafólkum, uttan at hesir fara í ISPS góðkenda havn, sum havnarmyndugleikarnir ávísa.

Sambært uppskoti um kunngerð, sum Vinnumálaráðið hevur sent til hoyringar, verður bannað at sigla í innara føroyska sjóøkinum við smærri bátum, sum ikki hava til endamáls at flyta ferðafólk inn ella úr eini ISPS-góðkendari havn. 

Kunngerðin byggir á lógina um trygd á sjónum. Og ta lógina umsitur Sjóvinnustýrið.

Kenna ikki føroysku viðurskiftini

Hans Johannes á Brúgv, stjóri í Sjóvinnustýrinum, sigur, at stýrið hevur biðið um slíka heimild, sum hendan kunngerðin fer at geva, tá hugsað verður um trygd á sjónum.

Tí tað er ikki óvanligt, at útlendsk skip senda ferðafólk í land í Føroyum í bátum ella sigla fram við landi. Tey, sum stýra hesum bátum, kenna ikki viðurskiftini í Føroyum, tá hugsað verður um streym, veður og vind. Tey eru ikki staðkend.

Tí kann slíkur bátur við eini hundrað ferðafólkum koma heilt illa fyri. 

Binda um heilan fingur

Tað er ikki hent enn, men tað er fyri at binda um heilan fingur, at Sjóvinnustýrið vil hava heimild at steðga slíkari sigling.

Hans Johannes á Brúgv sigur, at Sjóvinnustýrið fær bæði myndir og munnligar frásagnir um bátar, sum ferðafólkaskip seta á sjógv at sigla ferðafólk inn til eitt nú Mykinesar.

Kunngerðin verður galdandi fyri ferðafólkaskip, sum eru 100 bruttotons til støddar ella meiri enn tað. 

Sleppa bara at sigla til ISPS-havnir

Sambært kunngerðini sleppa skip ikki at sigla ferðafólk uttan til ISPS havn í Føroyum.

Í ISPS góðkendari havn verður alt skrásett og kannað, sum fer inn og út úr havnini, bæði fólk og farmur. 

Havnarøkið er hegnað inni, og vakmyndatól verða nýtt, so øll ferðsla verður skrásett, bæði innskiping og avskiping.

14 havnir í Føroyum eru ISPS góðkendar.  

Nýggjastu sendingar í ÚV
Týsdag 20. november
Góðan morgun Føroyar 191118
87952
Mánadag 19. november
Við Tórði á túri á Kósini í Klaksvík
87919
Mánadag 19. november
Norðurljóð 19.november 2018
87576
Nýggjastu sendingar í SV
Mánadag 19. november
3-2
87924
Mánadag 19. november
Miss Perfect (4:6)
87155
Mánadag 19. november
Plastgongustjørnan (3:4)
87975
Sunnudag 18. november
Andaktin
87870
Sunnudag 18. november
Guðstænasta úr Gjáar kirkju
87872