USA setur revsitiltøk í verk móti Russlandi

09.08.2018 - 16:12
AktueltÚtheimurin
USA setur revsitiltøk í verk móti Russlandi
USA vil vera við, at tað við vissu er Russland, sum nýtti nervagassi novichok í eini roynd at drepa ein fyrrverandi russiskan njósnara.
 

USA setur nú nýggj revsitiltøk í verk mótvegis Russlandi.

USA vil vera við, at tað er staðfest, at Russland nýtti nervagassi novichok í eini roynd at gera av við fyrrverandi njósnaran Sergej Skripal og dóttir hansara í enska býnum Salisbury.

Og slíkt sleppa russar ikki at gera órevsaðir. Tí boðaði amerikanska uttanríkisráðið í gjárkvøldið frá, at teirra beinleiðis aftursvar er revsitiltøk móti Russlandi.

Í fyrstu atløgu rakar tað tað amerikanska útflutningin av hernaðaðarútbúnað til Russlands. Somuleiðis krevur USA, at Russland loyvir ST at hava vápnaeftirlit í landinum.

Revsitiltøkini verða sett í verk 22. august, og so hevur Russland 90 dagar at sannføra USA um, at landið ikki nýtir evnafrøðilig ella lívfrøðilig vápn longur - og heldur ikki fer at gera tað framyvir.

Livir Russland ikki upp til amerikansku krøvini, fer Trump at strika diplomatisk sambond og seta í verk strong revsitiltøk, tá tað snýr seg um handil, bankalán og loyvi hjá russiska flogfelagnum Aeroflot at seta seg.

USA hevur annars longu útvíst 60 russiskum sendifólkum og latið russiska konsolátið í Seattle aftur.

Russland hevur víst øllum ákærum aftur. Og russiska sendistovan í USA hevur sent út tíðindaskriv, har hon hartar USA fyri seta í verk miskunarleys revsitiltøk grundað á ákærur, sum eru ógrundaðar og uttan hald í veruleikanum.

Tað skriva fleiri altjóða miðlar, millum annað CNN, Wall Street Journal, Al Jazeera og DR. 

 
Nýggjastu sendingar í ÚV
Leygardag 20. apríl
Morgunlestur leygardagur 20. apríl 2019
93392
Fríggjadag 19. apríl
Rómi og ross løgdu støðið (2:2)
93585
Fríggjadag 19. apríl
Guðstænasta úr Vesturkirkjuni
93674
Hósdag 18. apríl
Rómi og ross løgdu støðið (1:2)
93584
Nýggjastu sendingar í SV
Mikudag 24. apríl
25 minuttir: Andrias Høgenni
93252
Fríggjadag 19. apríl
Flogbóltur: Mjølnir - Fleyr, mansfinala
93685
Fríggjadag 19. apríl
Andakt við Bergtóri Hjelm Bjarkhamar
93684
Fríggjadag 19. apríl
Hondbóltur: H71 - Neistin, 3 finalan
93682
Fríggjadag 19. apríl
Guðstænasta úr Vestmanna kirkju
93686