Størsta hall á búskapinum í Amerika í 6 ár

11.08.2018 - 12:15
AktueltÚtheimurin
Størsta hall á búskapinum í Amerika í 6 ár
Skattalættar og størri játtan til herin í USA er startsskotið til størsta hallið hjá landinum í seks ár.  Tað upplýsir tíðindastovan AP sambært TV2.
 
 

Hallið er eitt úrslit av inntøkunum og útreiðslunum hjá landinum - búskapurin hjá einstøku statsríkunum eru ikki taldur við. Tað upplýsir tíðindastovan AP sambært TV 2.

Tíðindastovan AP hevur fingið tølini frá eini frágreiðing hjá amerikanska fíggjarmálaráðnum, sum vísir á, at USA hevur fyrstu 10 mánaðirnar í roknskaparárinum eitt hall upp á 684 milliardir dollarar. Og hetta er størsta hallið hjá USA í seks ár. 

Búskapurin í USA hevur annars verið merktur av lágum arbeiðsloysi, og inntøkur landsins eru eisini øktar eitt sindur. 

Høvuðsorsøkin til stóra hallið er helst skattanýskipanin, sum ein meiriluti í Kongressuni samtykti saman við Donaldi Trump, forseta. 

Sambært tíðindastovuni Bloomberg hevði skattanýskipanin ein skattalætta við sær á 300 milliardir dollarar í hesum roknskaparárinum.  Og harafturímóti eru útreiðslurnar hækkaðar umleið 4,4 %. 

Væntað verður, at hallið framvegis fer at vaksa - ella í øllum førum at halda seg á áleið 6,5 billiónur krónur til og við 2022. 

Einastu ferð, at hallið hevur verið umleið tað sama sum nú, var frá 2009 til og við 2011.

Nýggjastu sendingar í ÚV
Mikudag 17. oktober
Americana: Levon Helm
86515
Mikudag 17. oktober
Fótbóltsprát: Ein miðal landsliðsvika
86509
Mikudag 17. oktober
Morgunlestur mikudagur 17.oktober 2018
86023
Týsdag 16. oktober
Morgunlestur týsdagur 16.oktober 2018
86022
Mánadag 15. oktober
Við Tórði á túri til roysnissteinar
86442
Nýggjastu sendingar í SV
Mikudag 17. oktober
25 minuttir: Árni Olafsson
86459
Mánadag 15. oktober
3-2
86447
Sunnudag 14. oktober
Andaktin
86404
Sunnudag 14. oktober
Guðstænasta úr Sandavágs kirkju
86405
Fríggjadag 12. oktober
Lyst 16
86308