Ný Sæland: Forða útlendingum at keypa hús

15.08.2018 - 14:06
AktueltÚtheimurin
Ný Sæland: Forða útlendingum at keypa hús
Í Ný Sælandi samtykti tjóðartingið í dag eina lóg, sum forðar útlendingum at keypa hús í Ný Sælandi.
 

Grundgevingin er at fáa húsaprísirnar niður.

Ríkfólk úr USA og Kina hava keypt fleiri hús í Ný Sælandi seinastu árini, serliga í Auckland, og tað hevur ávirkað húsaprísirnar.

Tað hevur elvt til, at tey, sum búgva í Ný Sælandi, standa seg verri í kappingini á húsamarknaðinum.

Undantøk eru í lógini

Nøkur undantøk eru kortini í lógini.

Fólk við ávísum tilknýti til Ný Sæland kunnu framvegis keypa hús, og tað kunnu fólk úr Avstralia og Singapore eisini. Tey bæði londini hava fríhandilsavtalu við Ný Sæland.

Útlendingar, sum eiga hús í Ný Sælandi nú, verða heldur ikki ávirkað av lóggávuni.

Og útlendingar kunnu framvegis gera avmarkaðar íløgur í íbúðarbygningar og gistingarhús.

- Ríkir útlendingar eiga ikki at bjóða hægri enn nýsælendingar, sigur samgongutingmaðurin David Parker við The Telegraph.

- Húsamarknaðurin skal taka støði í familjunum, sum búgva í Ný Sælandi, sigur hann.

Andstøðupolitikarin Judith Collins heldur hinvegin, at lóggávan er óneyðug.

- Vit rokna ikki við, at hendan lóggávan fer at broyta nakað, sigur hon. 

 
Nýggjastu sendingar í ÚV
Hósdag 20. februar
Áðrenn Elvis 19 februar 2020
105041
Mikudag 19. februar
Breddin
105036
Mikudag 19. februar
Nón 19. februar 2020
105032
Mikudag 19. februar
Dagsins yrking - Minni
104993
Nýggjastu sendingar í SV
Mánadag 17. februar
3-2
104948
Sunnudag 16. februar
Guðstænasta úr Árnafjarðar kirkju
104893
Sunnudag 16. februar
Ferðavinna og landbúnaður
104894
Sunnudag 16. februar
Andakt við Hjørdis Háberg
104891
Leygardag 15. februar
Hondbóltur: H71 - Kyndil
104880