Mótmæltu samstarvsavtalu

12.09.2018 - 10:32
Aktuelt
Mótmæltu samstarvsavtalu
Mótmælistiltak var, meðan Kim Kielsen og Lars Løkke Rasmussen, forsætisráðharri undirskrivaðu nýggju milliardaavtaluna mánadagin.
Fleiri vóru savnað á gøtunum at mótmæla samstarvsavtaluna millum Kim Kielsen og danska forsætisráðharran, Lars Løkke Rasmussen.
Mynd: © Leiff Josefsen // Sermitsiaq.ag  
 
 

Kim Kielsen, landsstýrisformaður í Grønlandi er vónbrotin um, at Partii Nalerac, sum fór úr samgonguni um vikuskiftið, ikki lat við seg koma, tá eitt mótmælistiltak hjá teimum í Nuuk mánadagin gjørdist hatursfult.

Mótmælistiltak var, meðan Kim Kielsen og Lars Løkke Rasmussen, forsætisráðharri undirskrivaðu nýggju milliardaavtaluna mánadagin, og Sermitsiaq skrivar, at óð mótmælisfólk bóðu Kim Kielsen fara úr sínum anorakki, tí tey ikki hildu hann vera rættan grønlending longur.

- Nøkur mótmælisfólk mæltu eisini til, at eg skuldi steinast og enntá hongjast, og at forsætisráðharrin skuldi fara heim, sigur landsstýrisformaðurin á facebookvanga sínum.

At fyriskipararnir av tiltakinum - altso Partii Naleraq - sambært landsstýrisformanninum ikki lótu við seg koma, tulkar hann sum, at teir tóku undir við atburðinum. 

Kim Kielsen verjir demokratiska rættin at mótmæla, men mælir til, at fólk samstundis vísa virðing.

Sermitsiaq skrivar, at formaðurin hjá Demokratunum, Niels Thomsen, eisini tekur frástøðu frá atburðinum hjá mótmælisfólkunum, og hann vónar, at Hans Enoksen, formaður í Partii Naleraq er eins vónbrotin.

Nýggjastu sendingar í ÚV
Hósdag 15. november
Americana: 2010 - 2017
87754
Hósdag 15. november
Góðan morgun Føroyar 151118
87744
Hósdag 15. november
Americana: 1995 - 2009.
87743
Hósdag 15. november
Leygardagur 27.10.18
87740
Hósdag 15. november
Morgunlestur hósdagur 15. november 2018
87205
Nýggjastu sendingar í SV
Fríggjadag 16. november
Lyst 21
87771
Hósdag 15. november
Tað er nú vit liva
87775
Hósdag 15. november
25 minuttir: Høgni Rasmussen
87753
Hósdag 15. november
Tore leitar (5:5)
87211
Mikudag 14. november
25 minuttir: Steintór Rasmussen
86972