Bill Cosby dømdur í 3 - 10 ára fongsul, men kærir

26.09.2018 - 08:11
AktueltSamfelag
Bill Cosby dømdur í 3 - 10 ára fongsul, men kærir
Bill Cosby varð í apríl dømdur fyri at hava doyvt og framt kynsligan harðskap móti Andreu Constand í 20014
 
 

Amerikanski sjónleikarin, Bill Cosby, er dømdur í fongsul í trý til 10 ár. Hann skal beinleiðis í fongsul. Fongsulsrevsingin 3-10 ár merkir, at hann í fyrsta lagi kann søkja um at verða náðaður um trý ár.

Nevningatingið segði í niðurstøðu síni, at Cosby var sekur í øllum punktum í málinum.

Kærir dómin

Verjin hjá Cosby sigur, at teir fara at kæra dómin. 

Ákæruvaldið mælti til, at 81 ára gamli Cosby varð dømdur 5 - 10 ára fongsul. Ákæruvaldið sigur, at Cosby á ongan hátt hevur víst at hann iðrar seg, og tí er vandi fyri, at hann fremur kynsligan harðskap aftur. 

Ein av dómarunum segði, áðrenn dómurin varð lisin, at eingin ivi er um, at Bill Cosby er ein kynsligur valdsgerðarmaður.

Verjin hjá Cosby sigur, at Cosby er gamal, í ørviti og blindur í løgfrøðiligum høpi, og at hann heldur skal dømast í húsavarðhald.

Doyvdi kvinnurnar

Meira enn 60 aðrar kvinnur hava eisini sagt sína søgu um Cosby, og hava skuldsett hann fyri kynsligan ágang.

Skuldsetingarnar hjá teimum minna allar um hvørja aðra, - at Cosby bjóðaði sær at hjálpa teimum at fáa gongd á karrieruna og bjóðaði teimum heim til døgurða. Har vórðu tær doyvdar við tablettum ella sjussum, og síðani gjørdi hann seg kynsliga inn á tær. 

Fimm kvinnur vitnaðu

Flestu málini eru firnað. Hann varð tí bara ákærdur fyri kynsligan harðskap móti Andreu Constand, tá hann møtti í rættinum í aprílmánaði. Fimm kvinnur vitnaðu ímóti honum í rættarmálinum.

Dómarin segði, at Bill Cosby nú verður skrásettur hjá løgregluni sum kynsligur harðskapsmaður, og tað verður hann restina av ævi síni. Grannar og skúlar fáa eisini upplýsingar um bústað og revsingina, tá hann einaferð verður latin leysur.

Sí eisini

Nýggjastu sendingar í ÚV
Týsdag 16. oktober
Morgunlestur týsdagur 16.oktober 2018
86022
Mánadag 15. oktober
Við Tórði á túri til roysnissteinar
86442
Mánadag 15. oktober
Síðsta Skríggj 12.oktober 2018
86441
Mánadag 15. oktober
Norðurljóð 15.oktober 2018
86440
Mánadag 15. oktober
Sunnudagstónar 14. oktober 2018
86413
Nýggjastu sendingar í SV
Mánadag 15. oktober
3-2
86447
Sunnudag 14. oktober
Andaktin
86404
Sunnudag 14. oktober
Guðstænasta úr Sandavágs kirkju
86405
Fríggjadag 12. oktober
Lyst 16
86308