Laksalúsakunngerðin brotin 30 ferðir

Laksalúsakunngerðin brotin 30 ferðir
Enn er alt ov nógv laksalús á føroysku firðunum, sæst á heimasíðuni hjá Heilsufrøðiligu starvsstovuni.
 
12.10.2018 - 09:56

Enn er alt ov nógv laksalús á føroysku firðunum. Tað sæst á heimasíðuni hjá Heilsufrøðiligu Starvstovuni, sum almannakunnger lúsateljingarnar, ið Fiskaaling ger. 

Í juni 2016 lýsti landsstýrismaðurin í vinnumálum eina kunngerð, sum lækkaði markið fyri, hvussu nógvar lýs eitt alibrúk kundi hava. Markið varð lækkað úr tveimum niður í hálva aðru kynsbúna kvennlús í miðal fyri fiskin. 

Men lúsakunngerðin, sum kom í gildi 28. juni í 2016, er brotin heilar 30 ferðir seinasta árið, sæst í yvirlitinum, sum Heilsufrøðiliga starvstovan almannakunnger á  heimasíðuni.

Í trimum førum er tað Marine Harvest, sum hevur meira enn hálva aðru lús í hvørjum laksi, og í øllum hinum førunum, tað vil siga 27 ferðir, hevur Bakkafrost ov nógva lús. 

Hiddenfjord, ella Luna, sum felagið eisini eitur, hevur hildið seg undir markinum, vísa tølini hjá Heilsufrøðiligu starvsstovuni fyri seinasta árið.

Seinastu tríggjar mánaðirnar er tað serliga alibrúkið hjá Bakkafrost í Árnafirði, sum er illa rakt av lús. 

Talið er tvífaldað hvønn mánað síðani august, og er tríggjar ferðir loyvda markið í oktober - tað er 4,9 kynsbúnar kvennlús í miðal fyri hvønn laks.

Er kopiera
Nýggjastu sendingar í ÚV
Fríggjadag 26. apríl
Morgunlestur fríggjadagur 26. apríl 2024
173998
Hósdag 25. apríl
RagnarRokk 25.apríl 2024
173545
Hósdag 25. apríl
RagnarRokk Blaze Bayley um Circle Of Stone
173542
Hósdag 25. apríl
Jazzofonin - Flaggdagin 25 apr 2024
174208
Nýggjastu sendingar í SV
Hósdag 25. apríl
Closed for Maintenance - á fimta sinni
174178
Týsdag 23. apríl
Veðrið
174126
Týsdag 23. apríl
3-2
174101
Týsdag 23. apríl
Dagur og vika við 3-2 - teknmálstulkað
174098
Sunnudag 21. apríl
Andakt við Sólrun Poulsen
174012