ST: Danmark skal rudda í Grønlandi

24.10.2018 - 10:24
AktueltSamfelag
ST: Danmark skal rudda í Grønlandi
Í nýggjari ST-frágreiðing stendur millum annað, at danski staturin skal eyðmerkja og beina burtur allar leivdir av verjuvirkseminum í Grønlandi.
Mynd: Walter Turnowsky // Sermitsiaq  
 

Danski staturin skal eyðmerkja og beina burtur allar leivdir av amerikanska verjuvirkseminum í Grønlandi. Og USA skal eisini gera sítt.

Tað stendur í eini ST-frágreiðing, sum blaðið Sermitsiaq endurgevur.

Serligi kanningarleiðarin hjá ST legði longu fyri einum ári síðani fram fyribilstilmæli, men nú hevur hann so latið endaligu frágreiðingina úr hondum til Mannarættindanevndina í ST. 

- Danmark skal eyðmerkja og beina burtur allar hernaðarligar leivdir, sum fólkið í Grønlandi vil hava burturbeindar. Og stór herðsla verður løgd á tilmælið um, at USA eisini ger sítt og stuðlar átøkunum, stendur í frágreiðingini.

Kanningin og frágreiðingin vórðu gjørd, eftir at táverandi landsstýrismaðurin í uttanríkismálum, Vittus Qu-jau-kitsoq, kærdi Danmark til ST fyri at bróta mannarættindini, tá ræður um burturkast og leivdir frá gomlu amerikansku herstøðunum í Grønlandi.

 
Nýggjastu sendingar í ÚV
Leygardag 27. februar
Frá fyrsta Smirli til í dag - 5. sending
120880
Leygardag 27. februar
Funnu kinesararnir Amerika (1:2)
120696
Leygardag 27. februar
Jambalaja 270221
120891
Leygardag 27. februar
Morgunlesturin leygarmorgunin 27. februar 2021
120517
Fríggjadag 26. februar
Nón 26. februar 2021
120868
Nýggjastu sendingar í SV
Fríggjadag 26. februar
Lyst 39
120766
Hósdag 25. februar
Pólsk sending: Saman í frástøðu
120802
Mikudag 24. februar
Fiskivinnukjak í Klaksvík
120790
Týsdag 23. februar
Jørðin II (6:6) - Býir
120719