Grønland: Góðtaka flogvallaravtalu í blindum

09.11.2018 - 12:06
AktueltÚtheimurin
Grønland: Góðtaka flogvallaravtalu í blindum
Stúran er nú um, at ein samtykt eisini fer at fevna um, hvussu stóran part av Kalaallit Airports danski staturin kemur at sita á.
 

Um meirlutin í grønlendska landstinginum samtykkir flogvallarætlanina, so er vandi fyri, at politikararnir samstundis góðkenna partaeigaraavtalu í Kalaallit Airports, sum als ikki er gjørd enn.

Tað skrivar grønlendska kringvarpið, KNR.

Seinasta viðgerð av flogvallarpakkanum verður í næstu viku, og stúran er nú um, at ein samtykt eisini fer at fevna um, hvussu stóran part av Kalaallit Airports danski staturin kemur at sita á, hóast tað málið ikki er avgjørt áðrenn viðgerðina.

Grønlendska landsstýrið fær við samtyktini heimild at gera ognaravtalu við donsku stjórnina, og sostatt fær landsstýrið fríar teymar at geva danska statinum ognarpart av flogvøllunum í Nuuk og Ilullisat.

Partaeigaraavtalan skal - umframt ognarlut - eisini fevna um vinningsbýti, samanseting av leiðsluni í Kalaallit Airports og sýtingarrætt í nevndini.

Evsta viðgerð í landstinginum av størstu verkætalnini í grønlendskari søgu verður 15. november, skrivar KNR.

 
Nýggjastu sendingar í ÚV
Týsdag 20. august
Summartímin týsdagin 20. august
97842
Týsdag 20. august
Minibarrin 20. august
97836
Týsdag 20. august
Í fótafari Paulusar - 12. partur
97829
Týsdag 20. august
VAR tað ella VAR tað ikki
97818
Nýggjastu sendingar í SV
Mánadag 19. august
Andglettur - Miðflokkurin
97805
Fríggjadag 16. august
Andglettur - Sambandsflokkurin
97745
Hósdag 15. august
Andglettur - Fólkaflokkurin
97701
Mikudag 14. august
Val kring landið - Vágar
97665
Mikudag 14. august
Úr savninum: Frætt & fregnað (6:11)
20257