Svøríki: Sjey ára fongsul fyri at hótta ráðharrar

09.11.2018 - 12:04
AktueltÚtheimurin
Svøríki: Sjey ára fongsul fyri at hótta ráðharrar
Ein svenskur maður er dømdur sjey ára fongsul fyri at hava sent brøv við deyðshóttanum og pulvuri í til 21 svenskarar.
Maðurin hevði millum annað sent deyðshóttanir til Stefan Løfven.
 

Ein svenskur maður er dømdur sjey ára fongsulsrevsing fyri at hava sent brøv við deyðshóttanum og pulvuri í til 21 svenskar ráðharrar, aðrar politikarar og kend fólk.

SVT skrivar, at maðurin varð ákærdur fyri 25 tilburðir av grovum hóttanum, ein tilburð av hóttan og fyri at hava roynt at dripið fýra fólk.

Hann fekk dóm fyri drápsroynd og 20 hóttanir, umframt brot á rúsevnislógina. 

Millum tey, sum fingu pulvur og drápshóttan, eru Isabella Løvin, Stefan Løfven og Magdalena Andersson. Flestu av teimum 26, sum hava fingið líknandi brøv, hava verið ráðharrar í reyð/grønu stjórnini í Svøríki. Men hóttanarbrævið til Stefan Løfven, forsætisráðharra gav ikki dóm, tí hann letur ikki sjálvur sín post upp, skrivar almenna svenska kringvarpið.

Morðroyndin snýr seg um eina brævbumbu, sum varð send til eina fyritøku í Stórabretlandi. Men bumban brast ikki.

Maðurin er mentalkannaður og er egnaður til fongsulsrevsingina, sum altso bleiv sjey ár, skrivar SVT.

 
Nýggjastu sendingar í ÚV
Týsdag 19. januar
Breddin
119145
Týsdag 19. januar
Óhoyrt
119143
Týsdag 19. januar
Tempo
119133
Týsdag 19. januar
Góðan morgun Føroyar 19.01.2021
119121
Nýggjastu sendingar í SV
Mánadag 18. januar
3-2
119108
Sunnudag 17. januar
Andakt við Jens Bech
119046
Sunnudag 17. januar
Guðstænasta í kirkjuni við Norðskála
119037
Mikudag 13. januar
Mentanarvirðislønir landsins 2020
118890