- Tíðindi, mentan og ítróttur
Fær loyvi at siga upp Hoyvíkssáttmálan
Fær loyvi at siga upp Hoyvíkssáttmálan
Meirilutin í Uttanlandsnevndini tekur undir við landsstýrismanninum í uttanríkis- og vinnumálum
19.12.2018 - 07:25
Landsstýrismaðurin í uttanríkismálum og vinnumálum sleppur at siga upp Hoyvíkssáttmálan á nýggjárinum.
Meirilutin í Uttanlandsnevndini hjá løgtinginum mælir tinginum til at samtykkja tað.
Í meirilutanum eru umframt Annitu á Fríðriksmørk, Bjørt Samuelsen og Henrik Old í samgonguni Magni Laksáfoss, uttanflokkatingmaður.
Kaj Leo Holm Johannesen, Jákup Mikkelsen og Kári P. Højgaard taka støðu, tá atkvøtt verður eftir aðru viðgerð, sum væntandi verður í morgin.
Talan er um uppskot til samtyktar, so tað skal bara hava tvær viðgerðir í tinginum.
Uttanlandsnevndin viðgjørdi málið í gjár, og hevði fund við Havsbrún, Føroya reiðarafelag, Framherja, Vinnuhúsið og Poul Michelsen, landsstýrismann í uttanríkis- og vinnumálum.
Nýggjastu sendingar í ÚV
Nýggjastu sendingar í SV