Andstøðuumboðini vilja hava nýggjan formann

10.01.2019 - 12:19
AktueltPolitikkur
Andstøðuumboðini vilja hava nýggjan formann
Andstøðuumboðini í fíggjarnevndini siga seg taka undir við Bill Justinussen, sum vil hava nýggjan formann í fíggjarnevndina
Í løtuni er Ruth Vang forkvinna í fíggjarnevndini. Men andstøðuumboðini í fíggjarnevndini halda, at nú samgongan hevur mist meirilutan, skal nýggjur formaður veljast.
 
 

Leiðslan í teimum trimum samgonguflokkunum - tað eru floksformenninir og forkvinnurnar í tingbólkunum hjá flokkunum - fundast í hesi løtu í Tinganesi.

Samgongan stendur til at missa meirilutan í Fíggjarnevndini, sum verður mett at vera mest týðandi nevndin av løgtingsnevndunum.

3. januar fekk Kristin Michelsen durafjórðingin í Javnaðarflokkinum. Tá fekk løgtingsmaðurin at vita frá Akseli V. Johannesen, at hann ikki longur er partur av tingbólki Javnaðarfloksins og heldur ikki verður valevni fyri flokkin til komandi val.

Kristin Michelsen er limur í Fíggjarnevndini hjá løgtinginum. Og hann kann tí vera avgerandi atkvøðan, sum fellir Ruth Vang, forkvinnu. 

Bill Justinussen úr Miðflokkinum, sum er partur av andstøðuni í fíggjarnevndini, segði við útvarpið í gjár, at hann ætlar at gera eina roynd at fáa nýggjan formann valdan. Fýra nevndarlimir kunnu krevja nevndarval á skrá.

Taka undir við Bill 

Fundurin í "lítlu samgongu" byrjaði í Tinganesi klokkan 11, og enn er eingin úrskurður frá fundinum.

Tó hava andstøðutinglimirnir í fíggjarnevndini, Jacob Vestergaard og Bárður á Steig Nielsen, sagt seg taka undir við Bill Justinussen, segði Elin Mirjamsdóttir beinleiðis úr Tinganesi við útvarpið á middegi. 

Teir halda, at formaðurin í fíggjarnevndini eigur at verða valdur av nýggjum, nú samgongan hevur mist meirilutan í løgtinginum. Kristin Michelsen hevur onga viðmerking til málið

Andstøðuumboðini í fíggjarnevndini avvísa ikki, at Kristin Michelsen møguliga fær bjóðað formanssessin.

Sostatt fær andstøðan við fýra atkvøðum frá ávikavist Bill Justinussen, Bárður á Steig Nielsen, Jacob Vestergaard og Kristin Michelsen kravt nevndarval og koppa Ruth Vang av sessinum sum forkvinna í fíggjarnevndini.

Nýggjastu sendingar í ÚV
Fríggjadag 18. januar
Bolero 13. jan. 2019
90124
Fríggjadag 18. januar
Góðan morgun Føroyar 180119
90111
Fríggjadag 18. januar
Morgunlestur fríggjadagur 18. januar 2019
89871
Hósdag 17. januar
Nón - hósdagur 17.01.19
90085
Nýggjastu sendingar í SV
Hósdag 17. januar
HAS#TAG: Ungdómslívið (1:4)
90053
Hósdag 17. januar
Hassans hendur (2:4)
90024
Hósdag 17. januar
Bóndin (2:7)
89919
Mikudag 16. januar
Úr savninum: Føroyskt bátasmíð
90005
Mikudag 16. januar
Team Bachstad á ferð (3:6)
90014