Fekk starvið kortini eftir kæru til Umboðsmannin

07.02.2019 - 07:13
AktueltSamfelag
Fekk starvið kortini eftir kæru til Umboðsmannin
Tað loysti seg at kæra til Løgtingsins umboðsmann, tí tann, sum kærdi, hevur nú fingið arbeiði hjá Tórshavnar kommunu
Kæra til Løgtingsins umboðsmann loysti seg hjá heilsurøktara.
 

Tað loysti seg at kæra til Løgtingsins umboðsmann, tí tann, sum kærdi, hevur nú fingið arbeiði hjá Tórshavnar kommunu.

Umboðsmaðurin segði í desember, at Tórshavnar kommuna ikki hevði nakra sakliga grundgeving fyri ikki at seta eitt áður uppsagt starvsfólk, ein heilsurøktara, í fast starv. 

Umboðsmaðurin heitti tí á Tórshavnar kommunu um at taka málið uppaftur til viðgerðar og lata seg frætta úrslitið av hesi viðgerð.

Úrslitið er, at Tórshavnar kommuna er sinnað at bjóða tí, sum kærdi, starv á viðkomandi stovni. 

Av tí, at einki fast starv er tøkt í løtuni, hevur kærarin fyribils tikið við einum tíðaravmarkaðum starvi. 

Fakfelag kærdi

Løgtingsins umboðsmaður viðgjørdi eina kæru frá Heilsurøktarafelagnum um Heilsu- og umsorganartænastan í Tórshavnar kommuna.

Hon kundi ikki nokta at seta ein áður uppsagdan heilsurøktara í fast starv við teirri grundgeving, at Tórshavnar kommuna ikki hevði álit á henni.

Setanarbólkurin var annars samdur um at seta heilsurøktaran í fasta starvið.

Løgtingsins umboðsmaðurin ger nú ikki meira við hetta málið. 


 

 
Nýggjastu sendingar í ÚV
Fríggjadag 20. september
Óhoyrt: Alt frá Føroyum til Avstralia
98988
Fríggjadag 20. september
TEMPO úr dvala
98968
Fríggjadag 20. september
Pressan: Jenis av Rana og Kringvarpið
98960
Fríggjadag 20. september
Morgunlesturin fríggjamorgunin 20. september 2019
98627
Hósdag 19. september
Nón - 19. september 2019
98928
Nýggjastu sendingar í SV
Mánadag 16. september
Móttøka í Tinganesi
98789
Mánadag 16. september
3-2
98799
Sunnudag 15. september
Guðstænasta úr Kollafjarða kirkju
98752
Sunnudag 15. september
Andakt við Randi Froyseth
98749
Fríggjadag 13. september
Kaj Klein konsert í Maggies
98618