Fleiri dømd fyri brotsverk eftir heimkomu úr IS

16.03.2019 - 10:24
AktueltÚtheimurin
Fleiri dømd fyri brotsverk eftir heimkomu úr IS
Triðihvør svenski ríkisborgari, sum hevur verið í parti við Islamskum Stati, er dømdur fyri brotsverk, eftir at teir komu aftur til Svøríki
 

Ein uppgerð, sum svenska kringvarpið hevur gjørt, eftir at hava fylgt við 41 av teimum 150 monnunum, sum eru komnir heim aftur til Svøríki, vísir, at triðihvør er dømdur fyri brotsverk.

Kanningarnar hjá SVT, vísa, at 13 av monnunum eru dømdir og fongslaðir, eftir at teir komu heim aftur.

Talan er um brotsverk av ymiskum slag, alt frá sviki, hvítting av pengum til rúsevnasølu.

12 av teimum, sum Svenska Sjónvarpið hevur fylgt, eru kvinnur, og eingin av teimum er dømd fyri nakað brotsverk.

Tveir mans eru dømdir lívlanga fongsulsrevsing fyri yvirgang. Prógv vórðu funnin ímóti teimum, tá løgreglan kannaði eina íbúð.
Har fann løgreglan upptøkur, sum vísa, at báðir menninir vóru á mynbdunum, tá tveir aðrir vórðu hálshøgdir í Sýria.

Svenska fregnartænastan, Sepo, vil ikki gera viðmerkingar til upplýsingarnar frá SVT.

Men ein talsmaður fyri løgregluna, sigur, at løgreglan fylgir víðgongdum, sum eru komnir heim aftur, og sum kunnu hugsast at fremja yvirgang.
 

 
Nýggjastu sendingar í ÚV
Mánadag 30. mars
Nón 30. mars 2020
106983
Mánadag 30. mars
Norðurljóð 30.mars 2020
106802
Sunnudag 29. mars
Guðstænasta úr Havnar kirkju
106924
Nýggjastu sendingar í SV
Sunnudag 29. mars
Andakt við Ove Froyseth
106934
Sunnudag 29. mars
Guðstænasta úr Havnar kirkju
106923
Fríggjadag 27. mars
Studio71 - 5 dokumentarar
106848
Hósdag 26. mars
Korona konsert við Bárði á Lakjuni
106790
Hósdag 26. mars
Norrøna
106783