Sri Lanka: Løgreglan var ávarað

23.04.2019 - 07:17
AktueltÚtheimurin
Sri Lanka: Løgreglan var ávarað
Løgreglan í Sri Lanka fekk fyrr í mánaðinum eina ávaring um, at eitt møguligt álop fór at henda á kirkjur. Tað vísir eitt skjal
31+ fólk hava latið lív í ógvusligu yvirgangsatsóknini móti katólskum kirkjum og hotellum á Sri Lanka
 

Tað er tíðindastovan Reuters, sum hevur fingið innlit í skjalið. 

Sambært skjalinum fyrireikaði ein lutfalsliga ókendur islamistiskur bólkur álopið. Hann kallast Thaweed Jama'ut.

Ávaringin kom 11. apríl frá eini útlendskari fregnartænastu, verður sagt.

Fekk ikki boðini

Men forsætisráðharrin í Sri Lanka fekk ongantíð boðini, og tað er enn ógreitt, hvørji átøk - um nøkur yvirhøvur - vórðu sett í verk orsakað av loyniligu upplýsingini.

Eitt politiskt stríð millum forsetan og forsætisráðharran í Sri Lanka kann hava merkt, at forsætisráðharrin ongantíð fekk ávaringini um álopið á kirkjur.

Forsætisráðharrin Ranil Wickremesinghe er nevniliga hildin uttanfyri øllum trygdar-kunningarfundum, eftir at hann síðsta ár gjørdist óklárur við forsetan Maithripala Sirisena.

Tað segði heilsumálaráðharrin, Rajith Senaratne, á tíðindafundi í gjár. Forsetaskrivstovan vil ikki gera viðmerkingar til ákærurnar.

Bóru seg rætt at

Men sambært einum ráðgeva hjá forsetanum var borið rætt at.

 - Okkara fatan er, at ávaringin varð latin trygdarmyndugleikum og løgregluni á rættan hátt, sigur ráðgevin Shiral Lakthilaka við BBC.

Ráðgevin leggur afturat, at forsetin hevur sett eina serliga nevnd við einum hægsta rættardómara á odda at kanna, hvat hendi.

310 fólk lótu lív av bumbuálopinum í Sri Lanka sunnudagin. Sjey sjálvmorðsbumbarar bumbaðu tríggjar katólskar kirkjur og trý hotell.

Allir koma úr Sri Lanka, men myndugleikar halda, at altjóða yvirgangsfelagsskapir hava hjálpt teimum. 40 fólk eru handtikin í málinum.

 
Nýggjastu sendingar í ÚV
Mánadag 20. mai
LEITISSTEIN 10.05.2019 (1969)
94702
Mánadag 20. mai
Norðurljóð 20.mai 2019
94691
Mánadag 20. mai
Góðan morgun Føroyar 20. mai 2019
94671
Mánadag 20. mai
Morgunlestur mánadagur 20. mai 2019
94646
Nýggjastu sendingar í SV
Mánadag 20. mai
3-2
94700
Sunnudag 19. mai
Andakt við Pól í Skorini
94638
Sunnudag 19. mai
Guðstænasta í Sjóvar kirkju
94640
Fríggjadag 17. mai
Andakt við Bergtóri Hjelm Bjarkhamar
94619
Fríggjadag 17. mai
Guðstænasta úr Havnar kirkju
94615