SAS: Ferðafólk fáa ikki endurgjald

27.04.2019 - 13:31
AktueltPengar
SAS: Ferðafólk fáa ikki endurgjald
SAS metir ikki, at eitt verkfall kann nýtast sum grundgeving at fáa endurgjald fyri avlýsta ferð
 

Ferðafólk, ið ætla at krevja endurgjald frá SAS, tí teirra flogferð varð avlýst vegna verkfall, skulu ikki vænta at fáa nakrar pengar aftur uttan stríð.

SAS fer at vísa øllum krøvum um endurgjald aftur. Tað sigur Ove Myrold, kunningarstjóri í SAS við netmiðilin flysmart24.no.

  Ferðafólk hava ikki rætt til endurgjald, tá seinkingin ella avlýsingin kemst av verkfalli, sum er at meta sum óvanligar umstøður, sum flogfelagið ikki hevur tamarhald á, sigur kunningarstjórin.

Feløg eru ósamd

Feløgini Flyforsinkelse og Flyhjælp, sum fáast við at tryggja rættindi hjá ferðandi, hava ikki somu áskoðan.

Heðin Arge, sum starvast hjá Flyhjælp, vísti í útvarpinum í gjár á, at eitt verkfall hvørki er óvanligt ella nakað, sum eitt flogfelag ikki hevur tamarhald á.

 >> SÍ EISINI SAS: Ferðafólk fáa ikki endurgjald

Víst verður eisini til ein úrskurð hjá ES-dómstólinum frá apríl í fjør, sum hevur skapt fordømi fyri, at til ber at søkja um millum 250 og 600 evrur, um títt flogfar verður avlýst vegna verkfall.

Í síðsta enda er tað danska Ferðslumálaráðið, sum í hvørjum einstøkum føri metir um, hvørt endurgjald kann verður latið, eftir at ferðafólk hava vent sær til myndugleikan umvegis heimasíðuna klage.flypassager.dk.

Sostatt kann Ferðslumálaráðið ikki taka støðu til, um SAS-verkfallið er fevnt av treytunum um endurgjald, fyrrenn ráðið hevur fingið ein umsókn frá ferðafólki, ið eru rakt av verkfallinum.

 
Nýggjastu sendingar í ÚV
Leygardag 19. oktober
Eru vit í ætt við indianarnar?
99313
Leygardag 19. oktober
Leygardagur 19. Oktober 2019
100065
Leygardag 19. oktober
Morgunlestur leygardagur 19. oktober 2019
99849
Nýggjastu sendingar í SV
Hósdag 17. oktober
Flaggsigling 2019 1:2
100020
Mánadag 14. oktober
3-2
99875
Sunnudag 13. oktober
Andakt við Mourits Mouritsen
99826
Sunnudag 13. oktober
Guðstænasta úr Argja kirkju
99828
Hósdag 10. oktober
Suni Merkistein hittir Bob Geldof
99745