Pál Joensen við í landsliðshópinum

07.05.2019 - 08:21
ÍtrótturSvimjing
Pál Joensen við í landsliðshópinum
Pál Joensen verður við á oyggjaleikunum í Gibraltar í summar
 

Svimjisamband Føroya hevur úttikið svimjararnar, sum skulu umboða Føroyar á oyggjaleikunum í Gibraltar í summar.

Seks kvinnur og seks menn eru úttikin.

Tað er merkisvert, at afturat teimum tólv svimjarunum, er Pál Joensen eisini skrásettur sum svimjari.

Svimjing.com skrivar, at Pál Joensen er við sum svimjari, um tað verður neyðugt at styrkja stafettirnar.

Hann er annars við sum venjari afturat Juan Jaime Arroyo Toledo úr Ægir og Panagiotis Christou úr Havnar Svimjifelagi.

Landsliðshópurin

Alvi Hjelm Havnar Svimjifelag
Bartal Eidesgaard Havnar Svimjifelag
Elisabeth Erlendsdóttir Havnar Svimjifelag
Eyðrið Mortensen Havnar Svimjifelag
Johan N. Dam Havnar Svimjifelag
Óli Mortensen Havnar Svimjifelag
Vár E. Eidesgaard Havnar Svimjifelag
Róland Toftum Suðuroyar Svimjifelag
Barbara Debes Ægir
Rebekka Trygvadóttir Ægir
Rókur Trygvason Ægir
Signhild Joensen Ægir

Birita Debes úr Flot var upprunaliga eisini úttikin sum svimjari, men hon hevur givið avboð.

Føroyar vunnu nógv flest heiðursmerkir í svimjing á oyggjaleikunum í 2017.

Tá vunnu Føroyar tilsamans 35 heiðursmerkir í svimjing, 15 gull, 10 silvur og 10 bronsur.

Oyggjaleikirnir á Gibraltar verða settir 6. juli.

 
Nýggjastu sendingar í ÚV
Hósdag 23. mai
Nón - 23.05.19
94813
Hósdag 23. mai
Góðan morgun Føroyar 23. mai 2019
94803
Hósdag 23. mai
Jazzofonin: Alex Riel, 2. partur
94775
Hósdag 23. mai
Morgunlestur hósdagur 23. mai 2019
94655
Mikudag 22. mai
Nón - 22.05.19
94793
Nýggjastu sendingar í SV
Mikudag 22. mai
Minnist tú enn? (11:13)
23373
Mánadag 20. mai
3-2
94700
Sunnudag 19. mai
Andakt við Pól í Skorini
94638
Sunnudag 19. mai
Guðstænasta í Sjóvar kirkju
94640