Borgarstjórin bakkar

14.08.2019 - 19:37
AktueltPolitikkur
Borgarstjórin bakkar
Nú skal kannast um ætlanin, at gera íbúðir undir Kongavarða á Argjum, kann tillagast ella um byggjast skal aðrastaðni
Í skrivi sent miðlunum sigur Annika Olsen, borgarstjóri, at tey nú kanna, um tað ber til at tillaga ætlanina við íbúðarbyggingini undir Kongavarða
 

Borgarstjórin í Havn bakkar í málinum um íbúðarbyggingina undir Kongavarða á Argjum. Mikið rok og stór ónøgd hevur verið um ætlaðu íbúðarbyggingina undir Kongavarða.

Eigarafeløgini undir Kongavarða og eystan Kongavarða hava mótmælt alment og kalla íbúðarbyggingina eitt mistak av søguligum dimensiónum.

Talan var um eina vána loysn upp á allar mátar, søgdu eigarafeløgini. Og nú er líkt til, at mótmælini hjá teimum verða tikin til eftirtektar.

 >> SÍ EISINI MARK-eigarar byggja íbúðir undir Kongavarða

Í skrivi sent miðlunum sigur Annika Olsen, borgarstjóri, at tey nú kanna, um tað ber til at tillaga ætlanina við íbúðarbyggingini undir Kongavarða. Um tað ikki ber til, royna tey at finna annað stykki at byggja á.

Uppskotið til broytta byggisamtykt í sambandi við íbúðarbyggingina undir Kongavarða liggur enn frammi til almenna hoyring, freistin at senda kommununi viðmerkingar og broytingaruppskot er 30. august 2019.

Talan var um 94 leiguíbúðir, sum ætlandi skuldu byggjast undir Kongavarða á Argjum.

 
Nýggjastu sendingar í ÚV
Hósdag 5. desember
Mono: Sangir í samljóði (2:4)
101864
Hósdag 5. desember
Marjun Berg er gestur í Dansivali (I-II)
101860
Hósdag 5. desember
Góðan morgun, Føroyar 5. desember 2019
101845
Nýggjastu sendingar í SV
Hósdag 5. desember
Sí sendingina: Ein dagur í Nuuk
101848
Týsdag 3. desember
Kveikur: Samherjaskjølini (2:2)
101784
Sunnudag 1. desember
Andakt við Marjuni í Kálvalíð
101682
Sunnudag 1. desember
Guðstænasta í Mariukirkjuni
101705
Fríggjadag 29. november
Hyggjuráðið
101668