Tingfundur um 12 dagar

bannari
02.09.2019 - 13:14
AktueltPolitikkur
Tingfundur um 12 dagar
Í seinasta lagi leygardagin 14. september skal nývalda løgtingið hava sín fyrsta fund og velja formansskap
Nývalda løgtingið hevur fund í seinasta lagi um 12 dagar
 

Elsti tingmaður situr í formansstólinum, til nýggjur formansskapur er valdur.

Stýriskipanarlógin sigur, at nývalda løgtingið kemur saman klokkan 10:00 tólvta yrkadag eftir valdagin. Men løgmaður kann boða til fundar fyrr enn tað.

Aksel V. Johannesen er løgmaður so leingi, hann ikki hevur ein meiriluta móti sær. Aksel V. Johannesen hevur eisini heimildina at skipa samgongu.

Men leggur hann frá sær, kallar løgtingsformaðurin formenninar í flokkunum á fund og spyr teir, hvør skal hava rættin at samráðast um samgongu.

Tíggju dagar

Í 2015 legði Kaj Leo Holm Johannesen, løgmaður, frá sær dagin eftir valið. Tá var so formansumfar.

Sambært stýriskipanarlógini er reglan tann, at innan 10 yrkadagar eftir, at fráfarandi løgmaður hevur biðið um at verða loystur úr embæti, leggur løgtingsformaður uppskot um løgmansevni fyri løgtingið. 

Løgtingið skal í seinasta lagi fjórða yrkadagin eftir at tað hevur fingið uppskotið atkvøða um tað. Fellur  uppskotið, verður aftur formansumfar. Hesa ferð er freistin fýra dagar.

Um so er, at løgtingið fýra ferðir fellir uppskotið hjá løgtingsformanninum um løgmann, skrivar starvandi løgmaður út nýval til løgtingið.


 

 
Nýggjastu sendingar í ÚV
Sunnudag 20. september
Guðstænasta í Vesturkirkjuni
113675
Sunnudag 20. september
Oddvá Nattestad er gestur í Brunsj
113670
Sunnudag 20. september
"Á jólum vóru vit sorgleys".
113610
Leygardag 19. september
Jambalaja 190920
113661
Leygardag 19. september
Morgunlestur leygardagur 19. september 2020
113244
Nýggjastu sendingar í SV
Mánadag 14. september
3-2
113470
Sunnudag 13. september
Andakt við Hallgerð Akurstein
113407
Sunnudag 13. september
Guðstænasta úr Gøtu kirkju
113403
Mánadag 7. september
3-2
113184
Mánadag 7. september
3-2
113186