Avgerð fallin: Sleppa ikki at petta málning sundur

02.12.2019 - 11:05
AktueltPengar
Avgerð fallin: Sleppa ikki at petta málning sundur
Býarrætturin í Keypmannahavn hevur við fútabanni staðfest, at føroyingarnir sleppa ikki at skera í málningin hjá Tal R
 

Dan Thorleifsson og Arne Leivsgarð sleppa hvørki at skera í málningin hjá Tal R ella at gera urskivur burtur úr málninginum. Tað hevur Sjó- og handilsrætturin í Keypmannahavn avgjørt í morgun.

Listarmaðurin, Tal Rosenzweig, vanliga nevndur Tal R, bað í síðsta mánaði Sjó- og handilsrættin um at seta bann fyri at skera í málningin Paris Chic, sum báðir føroyingarnir høvdu keypt, og ætlaðu at skera í flísar at seta í armbandsur.

 >> SÍ EISINI Føroyskir urmakarar í rættin

Í úrskurðinum sigur rætturin, at verkætanin hjá føroyingunum stríðir ímóti lógini um upphavsrætt, tí teir broyta málningin til eitt nýtt verk til almenningin at síggja. Hetta stríðir móti virðisrættinum.

Rætturin sigur eisini, at verkætlanin stríðir ímóti marknaðarføringarlógini. Umframt fútabann, skulu føroyingarnir rinda listarmanninum sakarkostnaðin, sum er góðar 31.000 krónur.

 
Nýggjastu sendingar í ÚV
Mánadag 1. juni
Tilvera: Modernisma.
107391
Mánadag 1. juni
Tilvera : Tað er fjalt í blýantinum.
107368
Mánadag 1. juni
Guðstænasta í Svínoyar kirkju.
109573
Nýggjastu sendingar í SV
Mánadag 1. juni
Guðstænasta úr Fuglafjarða kirkju
109572
Sunnudag 31. mai
Andakt við Emil Olsen, presti
109555
Sunnudag 31. mai
Guðstænasta úr Glyvra kirkju.
109558
Mikudag 27. mai
Úr savninum: Slóðarar 7:7
109459