Trý starvsfólk afturat smittað

bannari
17.03.2020 - 11:05
AktueltHeilsa
Trý starvsfólk afturat smittað
Trý starvsfólk á Landssjúkrahúsinum afturat eru smittað við coronavirus, váttar Landssjúkrahúsið fyri Kringvarpinum
Í øllum førum trý starvsfólk afturat á Landssjúkrahúsinum er smittað við coronavirus, váttar sjúkrahúsið fyri Kringvarpinum
Mynd: Bjarni Árting Rubeksen  
 

Fríggjadagin varð kunngjørt, at eitt starvsfólk á Føðideildini var smittað við coronavirus, og nú eru í øllum førum trý starvsfólk á Landssjúkrahúsinum afturat smittað.

Sostatt er greitt, at í minsta lagi fýra starvsfólk á Landssjúkrahúsinum eru smittað við coronavirus, sum fyrstu ferð varð staðfest í Føroyum 4. mars.

 Tað tykist ikki, at tey smittaðu eru smittað inni á Landssjúkrahúsinum, segði Tummas í Garði, læknastjóri og varastjóri á Landssjúkrahúsinum, við útvarpið á døgurða.

Nógv starvsfólk eru longu kannað

Hóast tilsamans fýra starvsfólk á Landssjúkrahúsinum nú hava fingið staðfest COVID-19, ber ikki til at kanna øll starvsfólkini á sjúkrahúsinum fyri virusið, fyri at binda um heilan fingur.

– Øgiliga nógv starvsfólk eru longu kannað, og tey starvsfólkini, sum ikki hava nøkur sjúkutekin, kunnu vit ikki kanna, segði Tummas í Garði, við útvarpið.

Tey fólkini, ið smittaðu starvsfólkini hava verið í samband við, eru fyribils send til hús. Í løtuni verður kannað, í hvønn mun starvsfólkini hava verið í samband við tey smittaðu, fyri at vita, hvussu nógv skulu í sóttarhald.

Greinin er dagførd 12:34: Í greinini stóð upprunaliga, at eitt starvsfólk afturat var smittað, men Landssjúkrahúsið váttar nú, at talið er trý og ikki eitt afturat.

 

 
Nýggjastu sendingar í ÚV
Leygardag 27. februar
Morgunlesturin leygarmorgunin 27. februar 2021
120517
Fríggjadag 26. februar
Nón 26. februar 2021
120868
Fríggjadag 26. februar
Morgunlesturin fríggjamorgunin 26. februar 2021
120516
Fríggjadag 26. februar
Søgan um Black Birds (2:2)
120835
Hósdag 25. februar
RagnarRokk 25.februar 2021
120620
Nýggjastu sendingar í SV
Fríggjadag 26. februar
Lyst 39
120766
Hósdag 25. februar
Pólsk sending: Saman í frástøðu
120802
Mikudag 24. februar
Fiskivinnukjak í Klaksvík
120790
Týsdag 23. februar
Jørðin II (6:6) - Býir
120719