Boris Johnson innlagdur á intensiva deild

bannari
07.04.2020 - 07:42
AktueltÚtheimurin
Boris Johnson innlagdur á intensiva deild
Bretski forsætisráðharrin varð í gjárkvøldið lagdur inn á intensiva deild á einum sjúkrahúsi í London
Boris Johnson, sum fekk koronavirus 27. mars, er nú innlagdur á intensiva deild
 

Boris Johnson varð smittaður við koronavirus 27. mars, men hann versnaði sunnukvøldið, og í gjár gjørdist støðan uppaftur verri, og tí varð neyðugt at flyta hann á intesiva deild, sambært DR.

Higartil hevur Boris Johnson røkt starvið sum forsætisráðharri, hóast hann hevur verið sjúkur, men í gjárkvøldið tók uttanríkisráðharrin, Dominic Raab, fyribils við sum forsætisráðharri í Bretlandi.

Bretska stjórnin fyri nógvum atfinningum

Dominic Raab sigur við BBC, at Boris Johnson fær viðgerð, og at hann skal syrgja fyri, at tað, sum stjórnin hevur sett út í kortið um koronasmittuna, verður framt í verki.

Tað eru nógvar atfinningar ímóti bretski stjórnini, og háttinum sum hevur verið nýttur at basa koronasmittuni. Ført verður fram, at stjórnin bíðaði alt ov leingi við at seta neyðug tiltøk í verk.

5.373 fólk í Bretlandi eru deyð av COVID-19 virusinum. Tilsamans 208.837 eru kannað, og 51.608 hava fingið staðfest koronavirus, sambært bretsku stjórnini.

 
Nýggjastu sendingar í ÚV
Týsdag 2. juni
LEITISSTEIN 01.06.2020 (Goes Gospel)
109628
Týsdag 2. juni
Breddin
109627
Týsdag 2. juni
Nón 2. juni 2020
109621
Týsdag 2. juni
Tempo: Rasisma
109614
Nýggjastu sendingar í SV
Mánadag 1. juni
Andakt við Emil Olsen, presti
109624
Mánadag 1. juni
Guðstænasta úr Fuglafjarða kirkju
109572
Sunnudag 31. mai
Andakt við Emil Olsen, presti
109555
Sunnudag 31. mai
Guðstænasta úr Glyvra kirkju.
109558