- Tíðindi, mentan og ítróttur
Løgmaður útilokar ikki kravt sóttarhald
Løgmaður útilokar ikki kravt sóttarhald
Bárður á Steig Nielsen hevur svarað fyrispurningi frá Sirið Stenberg, løgtingskvinnu
05.05.2020 - 08:53
Bárður á Steig Nielsen, løgmaður, útilokar ikki, at sóttarhald verður kravt við lóg.
Um tað gerst neyðugt, er landsstýrið til reiðar at útvega sær heimild at seta reglur um tvungið sóttarhald í verk, sigur løgmaður í svari til Sirið Stenberg, løgtingskvinnu.
Landsstýrið mælir til, at øll, sum koma til Føroya, fara í sóttarhald í 14 dagar.
Bárður á Steig Nielsen sigur, at landsstýrið vil kanna fólk fyri koronu, tá tey koma til Føroya.
Men, leggur hann afturat, heilsumyndugleikarnir siga, at hetta er ikki ráðiligt, tí ein slík kanning kann geva falskan tryggleika.
Tí er úrslitið negativt, tá fólk koma til Føroya, kann ikki útihýsast, at fólk eru smittað kortini.
Nýggjastu sendingar í ÚV
Nýggjastu sendingar í SV