Skylda milliardir fyri avlýstar ferðir

bannari
12.06.2020 - 07:08
AktueltÚtheimurin
Skylda milliardir fyri avlýstar ferðir
Flogfeløgini SAS og Norwegian skylda kundunum útivið sjey milliardir fyri ferðir, ið eru avlýstar orsakað av COVID-19
SAS-flogfør á rað í Oslo Gerdermoen. Nú fáa kundar hjá SAS og Norwegian endurgoldið ferðir, ið vórðu avlýstar orsakað av COVID-19
 

Tey bæði flogfeløgini, SAS og Norwegian, skylda kundum sínum næstan sjey milliardir krónur fyri flogferðir, ið vórðu avlýstar í mars, apríl og mai, skrivar tíðindastovan, NTB.

Avlýstar ferðir í mars verða endurgoldnar í juni, meðan ætlaðar ferðir í apríl og mai verða endurgoldnar einaferð í heyst, skrivar norska Bergens Tidende, sambært Ritzau.

SAS hevur í mars, apríl og mai selt ferðir kring allan knøttin fyri umleið 4,6 milliardir krónur, sum vórðu av ongum, og hjá Norwegian verður mett, at hetta talið er 1,5 - 2,5 milliardir krónur.

Tvær milliardir frá tí almenna

Allir kundarnir hjá SAS fáa endurgoldið ferðirnar, hóast flogfelagið skyldar kundunum meira, enn flogfelagið eigur á bók, sigur kunningarleiðarin, John Eckhoff, við NTB.

Hann vísir á, at SAS í Svøríki og Danmark hevur fingið meira enn tvær milliardir krónur frá tí almenna, og at arbeitt verður við at útvega meira pening til raksturin.

 >> SÍ EISINI SAS sendir 10.000 fólk til hús

Kunningarleiðarin hjá Norwegian, Andreas Hjørnholm, sigur við Bergens Tidende, at flogfelagið ikki vil upplýsa neyvt, hvussu nógv felagið skyldar kundum sínum.

SAS og Norwegian skylda kundum í Noregi 2,1 milliard krónur fyri avlýstar ferðir, sambært greinini. Einki verður sagt um, hvussu nógv flogfeløgini skylda donskum kundum.

 
Nýggjastu sendingar í ÚV
Fríggjadag 7. august
Summartímin hósdag 6. august
112060
Fríggjadag 7. august
Morgunlesturin fríggjamorgunin 7. august 2020
111745
Mikudag 5. august
Ein táttur er silvur 5. partur
112000
Nýggjastu sendingar í SV
Mikudag 5. august
Tíðindafundur og Dagur og vika
111992
Hósdag 30. juli
Midnáttarsangur
111814
Mikudag 29. juli
Upp á gólv
111810
Mikudag 29. juli
Á ólavsøku 2:2
111809
Mikudag 29. juli
Tingið verður sett
111807