Brúkarafelag: NemID er ikki nóg trygt trygt

15.06.2020 - 09:43
AktueltTøkni
Brúkarafelag: NemID er ikki nóg trygt trygt
Tað eydnaðist fremmandum at sleppa inn í skipanina, hóast kundin hevði borið seg rætt at
NemID er ikki so trygt, sum vit hava hildið
 

Skipanin við NemID, sum eisini nógvir føroyingar nýta, er ikki so trygg, sum hildið hevur verið.

Og skipanin kann misnýtast, hóast tey, sum eru í skipanini, hava hildið allar reglur. 

Tað sigur brúkarafelagið, Tænk, sum røkir áhugamálini hjá brúkarunum, skrivar danska kringvarpið.

Kvinna varð snýtt

- Vit mugu staðfesta, at NemID ikki er so trygt, sum vit hildu, sigur advokaturin hjá Tænk, Anette Høyrup, við DR, eftir at ein 38 ára gomul kvinna var vitni til, at hennara skipan varð misnýtt.

Løgreglan og ein serkønur á telduøkinum kanna málið, og báðir partar siga, at tað hevði eydnast øðrum at koma inn í skipanina hjá kvinnuni, hóast hon hevði borið seg rætt at.

Løgreglan vil vera við, at fólk, sum vildu hava fatur á loyniorðunum hjá kvinnuni, hava fingið tey úr postkassanum, áðrenn kvinnan fekk postin, og hava síðani roynt at snýta fyri 265.000 kr., í hennara navni.

Málið komið í fókatingið

Málið er komið í fólkatingið, og formaðurin í rættarnevndini hjá fólkatinginum, Preben Bang Henriksen, sigur, at hendingin vísir, at NemID ikki er nóg trygt.

SF vil hava stig tikin, sum kunnu betra um trygdina við NemID, annaðhvørt frá Nets, sum rekur og eigur skipanina, ella frá myndugleikunum, tí fólk mugu vera trygg við eini skipan, sum tey eru tvingað at nýta, sigur framsøgukvinnan í rættarmálum, Karina Lorentzen.

Eindarlistin krevur, at Nets, sum rekur skipanina fyri bankarnar og statin, syrgir fyri, at viðurskiftini eru í lagi. Og flokkurin Vinstri heldur, at skipanin má endurskoðast.

Vísir á Digitaliseringsstýrið

Nets vil ikki gera viðmerkingar til málið, skrivar DR. Felagið vísir á, at tað er Digitaliseringsstýrið, sum keypir NemID-loysnina frá felagnum.

Digitaliseringsstýrið hevur biðið Nets um eina trygdarmeting eftir hendingina.

 
Nýggjastu sendingar í ÚV
Nýggjastu sendingar í SV
Mikudag 5. august
Tíðindafundur og Dagur og vika
111992
Hósdag 30. juli
Midnáttarsangur
111814
Mikudag 29. juli
Upp á gólv
111810
Mikudag 29. juli
Á ólavsøku 2:2
111809
Mikudag 29. juli
Tingið verður sett
111807