Ferðavinnan kann nú søkja um koronustuðul

bannari
24.06.2020 - 08:21
AktueltVinna
Ferðavinnan kann nú søkja um koronustuðul
Fyritøkur, sum reka gistingarhús, matstovur, ferðaskrivstovur, skipa fyri túrum ella flyta ferðafólk, kunnu nú søkja um stuðul
 

Lógin varð lýst í gjár, og hon kemur í gildi í dag. Men hon er afturvirkandi til 12. mars í ár. Lógin er um stuðul til ferðavinnufyritøkur til fastar útreiðslur.

Sambært lógini eru ferðavinnufyritøkur tær, sum reka gistingarhús, matstovur, ferðaskrivstovur, skipa fyri túrum ella flyta ferðafólk. Hetta skal vera høvuðsvirksemið hjá fyritøkunum, sum skulu vera privatar.

Fyritøkurnar skulu hava mist minst 40 prosent av umsetninginum frá 12. mars til 31. august í ár samanborið við sama tíðarskeiðið í fjør.

Hjá teimum fyritøkum, sum eru stovnaðar eftir 12. mars í fjør, er samanberingin tíðarskeiðið 1. desember til 29. februar.

Fáa í mesta lagi 10 milliónir

Stuðulin er 75 prosent, um fyritøkurnar missa millum 60 og 100 prosent, og 50 prosent, um tær missa millum 40 og 60 prosent.

Tær kunnu tó í mesta lagi fáa 10 milliónir krónur. Samtøk fáa 10 milliónir krónur, og ikki 10 milliónir fyri hvørja fyritøku í samtakinum. 

Ein treyt fyri at fáa stuðul er, at einki vinningsbýti verður latið í ár, næsta ár og í 2022. Freistin at søkja um stuðul er til 31. oktober í ár.

Tað, sum ikki stendur neyvt í lógini, kemur í kunngerðum.

Er kopiera
Nýggjastu sendingar í ÚV
Týsdag 15. juni
Nón 15. juni 2021
125504
Týsdag 15. juni
Sóldoktarin - Niels Finsen (4:4)
125503
Týsdag 15. juni
Sóldoktarin - Niels Finsen (3:4)
125502
Týsdag 15. juni
Sóldoktarin - Niels Finsen (2:4)
125501
Týsdag 15. juni
Sóldoktarin - Niels Finsen (1:4)
125500
Nýggjastu sendingar í SV
Mánadag 14. juni
3-2
125458
Mánadag 14. juni
25 minuttir
125450
Sunnudag 13. juni
Harmonikusangmøti í Vesturkirkjuni.
125390
Sunnudag 13. juni
Andakt við Jóhannesi Miðskarð
125389
Leygardag 12. juni
Video: 5mf dreingir, Fjarðastevna 2021
125373