Russland: USA er á vandaleið

01.07.2020 - 05:18
AktueltÚtheimurin
Russland: USA er á vandaleið
Russiska uttanríkisráðið sigur, at USA er í ferð við at leggja eina vandamikla kós, tá talan er um kjarnorkuvápn
Russland hevur sett CTBT-avtaluna í verk, men tað hevur USA ikki, vísir russiska uttanríkisráðið á
Mynd: © Ritzau  
 

Landið er í ferð við at bróta CTBT avtaluna, sum setur forboð fyri kjarnorkuroyndarspreingingum. Og USA ætlar sær undir slíkar royndarspreingingar aftur, skrivar Reuters.

Londini samdust um avtaluna fyri 20 árum síðani. Russland hevur sett avtaluna í verk, men tað hevur USA ikki, vísir russiska uttanríkisráðið á. Russland heitir samstundis á USA og onnur lond um at seta avtaluna í verk.

The Washington Post skrivaði 22. mai, at USA umhugsar at fara undir aftur kjarnorkuroyndarspreingingar. Hendir tað, so er tað fyrstu ferð síðani 1992, at tað verður gjørt.

Ætlanin javnan umrødd

The Washington Post skrivaði, at eingin endalig avgerð varð tikin á fundinum hjá Trump, forseta, men keldur siga fyri blaðnum, at ætlanin verður javnan umrødd.

CTBT-avtalan setur forboð fyri royndarspreingingum - eisini sjálvt um talan er um royndir til friðarlig endamál.

Avtalan setur forboð fyri royndarspreingingum í rúmdini, á havbotninum og undir jørð. ST samtykti avtaluna í september í 1996, og 183 lond hava skrivað undir avtaluna.

 
Nýggjastu sendingar í ÚV
Sunnudag 27. september
Credo: Hvussu skilmarka vit trúgv og vísind ?
113937
Leygardag 26. september
Eitt gimsteinamorð í París
113768
Leygardag 26. september
Brunsj við Hans Esbern Heinesen
113992
Leygardag 26. september
Jambalaja 260920
113988
Nýggjastu sendingar í SV
Mikudag 23. september
Drúgt sjónvarp
113851
Mikudag 23. september
Myndir fyri sologuitar eftir Kára Bæk
113720
Týsdag 22. september
Fótbóltur: Føroyar - Hvítarussland
113812
Mánadag 21. september
3-2
113751
Mánadag 21. september
Fridtjof 100 ár
113746