Álvarsliga átalu: Trý ár um at svara

13.07.2020 - 16:43
AktueltSamfelag
Álvarsliga átalu: Trý ár um at svara
Løgtingsins umboðsmaður hevur givið Tórshavnar kommunu álvarsliga átalu fyri handfaringina av einum byggimáli
 

Umboðsmaðurin hevur viðgjørt klagu um vantandi svar og ónøktandi byggimálsviðgerð hjá Tórshavnar kommunu. 

Umboðsmaðurin heldur tað als ikki vera nøktandi, at Tórshavnar kommuna hvørki svaraði einari klagu um eitt byggimál ella áminningarskrivum um tað sama. 

Ikki fyrr enn klagarin boðaði Tórshavnar kommunu frá, at hann ætlaði at klaga til Løgtingsins umboðsmann fekk hann svar. Tá hevði klagarin bíðað eftir svari frá Tórshavnar kommunu í yvir trý ár.

Talan er um álvarslig mistøk

Umboðsmaðurin helt tað eisini vera sera átaluvert, at Tórshavnar kommuna sum eftirlitsmyndugleiki í kommunalum byggimálum, ikki fór undir veruliga viðgerð av klagumálinum fyrr enn yvir tvey ár aftaná ,at kommunan á fyrsta sinni hevði skoðað umrødda byggimál.  

At Tórshavnar Kommuna ikki hevur eitt greitt boð um orsøkina til tess, kann vera tekin um, at kommunan ikki hevur nóg væl skipaða skráseting av innkomnum skjølum og teldupostum, skrivar Løgtingsins umboðsmaður í niðurstøðuni.

Av tí at talan er um álvarslig mistøk, kunnar Løgtingsins umboðsmaður eisini formansskapin í Løgtinginum, løgmann og landsstýrismannin í kommunumálum um hetta málið, skrivar Sólja í Ólavsstovu, løgtingsins umboðsmaður.

 
Nýggjastu sendingar í ÚV
Mikudag 12. august
Summartímin mikudagin 12. august
112258
Mikudag 12. august
Góðan morgun Føroyar 12.08.2020
112235
Týsdag 11. august
Tá makrelurin broytti Føroyar (2:6)
112157
Nýggjastu sendingar í SV
Mikudag 12. august
Drúgt sjónvarp: Saksun - Tjørnuvík
112264
Mikudag 5. august
Tíðindafundur og Dagur og vika
111992
Hósdag 30. juli
Midnáttarsangur
111814
Mikudag 29. juli
Upp á gólv
111810
Mikudag 29. juli
Á ólavsøku 2:2
111809