Læra at tosa, lesa og skriva føroyskt

Uttanríkis- og Mentamálaráðið hevur nú gjørt eina kunngerð, hvussu næmingar í fólkaskúlaaldri, sum ikki hava føroyskt sum móðurmál, skulu læra at tosa, lesa og skriva føroyskt.

Tey skulu eisini læra um mentan og samfelagsviðurskifti í Føroyum.

Kunngerðin er eisini fyri børn og ung, sum hava føroysk foreldur, men hava búð uttanlands.

Næmingar, sum eru tilflytarar, kunnu harumframt fáa tilboð um undirvísing í sínum egna móðurmáli.

Kunngerðin sigur neyvt, hvussu undirvísingin skal skipast.