Macron: Eitt islamistiskt yvirgangsálop

17.10.2020 - 10:23
AktueltÚtheimurin
Macron: Eitt islamistiskt yvirgangsálop
Drápsmaðurin bleiv dripin av løgregluni
Franski forsetin, Emmanuel Macron, kallar álopið fyri eitt islamistiskt yvirgangsálop
 

Ein franskur lærari varð í gjár dripin í álopi, sum franski forsetin Emmanuel Macron kallar fyri eitt islamistiskt yvirgangsálop.

Lærarin, sum undirvísti í søgu og landalæru, hevði undirvíst í talufrælsi í samband við Muhammed tekningarnar, sum franska blaðið Charlie Hebdo prentaði í 2015. Starvsfólk á Charlie Hebdo blivu sum kunnugt eisini álopin og dripin í tí sambandi.

Lærarin varð álopin av einum manni í býnum Conflans-Sainte-Honorine í norður Fraklandi. Hann var skorin á háls.

Lærarin brúkti Muhammed-tekningar

Drápsmaðurin rann avstað, men varð seinni funnin av løgregluni, sum skeyt mannin til deyðis, tá hann hótti løgregluna.

Orsøkin til álopið verður sagt at vera, at lærarin hevði víst tekningar av profetinum Muhammed í síni undirvísing um talufrælsi. Tað verður av muslimum mett at vera halgibrot.

Lærarin varð kærdur til skúlaleiðsluna fyri einum mánaði síðan fyri at hava víst tekningarnar, siga franskir miðlar í dag.

 
Nýggjastu sendingar í ÚV
Leygardag 31. oktober
Jambalaja 311020
115613
Leygardag 31. oktober
UFO Kjallarin og Fort Benning
115612
Leygardag 31. oktober
Morgunlestur leygardagur 31.oktober 2020
115366
Fríggjadag 30. oktober
Nón 30. oktober 2020
115591
Nýggjastu sendingar í SV
Hósdag 29. oktober
Línumenn (2:3)
115501
Týsdag 27. oktober
Atlantshavið (2:3) - Fjøllini í dýpinum
115572
Mánadag 26. oktober
3-2
115334
Sunnudag 25. oktober
Andakt við Símuni Hansen
115260
Sunnudag 25. oktober
Guðstænasta í Fuglafjarðar kirkju
115261