Í fagrasta veðri samlast fólk ymsa staðni úr landinum á Syðradali til henda áhugaverda gongutúr.. Summi eru úr Kalsoynni, men nógv eru júst komin yvir um fjørðin við Sam.
|
Bjørn Kalsø, bóndi á Syðradali, verður ferðaleiðari á spennandi gongutúrinum til Blankskála, og her greiðir hann frá hvussu gingið verður um Galvin.
|
Tey eru hugagóð at fara til gongu av Syðradali. Nógv av hesum fólkum hava ongantíð áður verið á Blankskála, sum varð avtoftað eftir stóra skalvalopið í 1809. Tá flutti fólkið eysturum og bygdu Syðradal.
|
Fyri trygdina hava fyrireikararnir avmarkað talið til 200 fólk, sum sleppa við hendan serliga túr. Millum 80 og 90 fólk ganga. Hini 110-120 fólkini sigla millum Syðradal og Blankskála við "Ziska" og "Alpha Pilot".
|
Fleiri ferðir á leiðini verður steðgað á, meðan ferðaleiðarin sigur frá.
|
Her greiðir Bjørn Kalsø ferðaleiðari frá søgnini um risan, sum endaði í Leirvíksfirði.
|
Á leiðini um Galvin er nógv at siga frá. M.a. hugtakandi søgnini um, at Tróndur í Gøtu savnaði allan seyðin í Kalsoynni í Galvsrætt.
|
Tveir brøður av Syðradali eru hugagóðir. Teir hava mangan túrin áður verið saman á Blankskála.
|
Hesi og tey flestu gongufólkini ganga um Galvin. Men nøkur eru farin upp um fjøll til Blankskála.
|
Á Blankskála síggjast toftirnar eftir búsetingina. M.a. verður hildið, at har hevur verið eitt bønhús.
|
Høgligt er at sigla av Syðradali og suður um til Blankskála.
|
Fleiri fólk, ið hava røtur bæði á Syðradali og Blankskála, hættaðu sær ikki í land. Tey høvdu høvi at fylgja við hátíðarhaldinum umborð á "Ziska".
|
Gott er at hvíla beinini eftir gongutúrin.
|
Og ein góður biti smakkar altíð avbera væl úti í náttúruni.
|
Løtan var ógviliga hátíðarlig, tá minnisplátan yvir fólkið á Blankskála varð avdúkað.
|
Tveir sálmar og tjóðsangurin vórðu sungnir.
|
"Landið gevi eg tær tá, leingi tú har liva má, fólkið títt tá skal eg kenna, meðan øld um øldir renna.”
|
So verður minnisplátan avdúkað. Uttan iva fer nógv fólk í framtíðini at vitja Blankskála og síggja minnisplátuna úr føroyskum gróti.
|
Á plátuni síggjast øll tey fýra húsini, ið vóru á Blankskála. Trý áføst í einari lon og Lykkirshús niðanfyri.
|
Magni Garðalíð, borgarstjóri í Húsa Kommunu, flutti fram røðu og Bjørn Kalsø, bóndi, sum hevur festið á Blankskála, greiddi frá umstøðunum í avtoftaðu bygdini.
|
So er henda serliga løtan á Blankskála liðug og fólk leita sær oman til bátarnar, og onnur ganga aftur til Syðradals, annaðhvørt um Galvin ella upp um fjallið.
|
Hinumegin fjørðin sæst Leirvík, ið er nærmasta grannabygd hjá Blankskála. Hagar fóru blankskálafólk í fyrsta umfari eftir skalvalopið og róðu so yvir higar at geva kríatúrunum.
|
Á Blankskála er atløgusíða gjørd og um heystið verður seyðurin, ið skal flettast, rikin umborð í ein stóran deksbát og fluttur til Syðradals.
|
Tað gekk bæði skjótt og væl at flyta fólk aftur og fram.
|
Her er eisini gott hjá fólki at koma umborð, ið hvussu so er í góðum líkindum.
|
Fólk standa í bíðirøð at sleppa umborð í bátarnar og aftur til Syðradals.
|
So eru tey aftur á Syðradali eftir ein serligan túr.
|
Á kajini á Syðradali verður borðreitt við góðari suppu av Húsum, áðrenn fólk aðra staðni frá fara yvir um aftur fjørðin við Sam.
|