Bronsunál frá 10. øld prógvar samband við Írland

Í einum gomlum møblasølubygningi við síðuna av FK í Hoyvík heldur Tjóðsavnið til.

Tað skuldi bara vera fyribils. Men í dag, meir enn 20 ár seinni, kann staðfestast, at hølini eru bæði ótíðarhóskandi og liggja ópraktiskt fyri.

Fornlutirnir eru tó áhugaverdir:

Eitt talvborð frá víkingaøld og ikki minst sermerkti kongurin, ið fylgir við; ein silvurskattur á Sandi (tað, sum eftir er; eftir at danir tóku sín part); og ein bronsunál frá 10. øld, hvørs mynstur prógvar, at samband var millum Føroyar og Írland tá á døgum.